ქართული არმიის დღე საჩვენებელი სწავლებით აღინიშნა

სამშაბათი, 30 აპრილი, 2013 - 15:59

საქართველოს შეიარაღებული ძალების დღესთან დაკავშირებით ვაზიანში დღეს საჩვენებელი სწავლება გაიმართა. ღონისძიებას საქართველოს პრემიერ-მინისტრი ბიძინა ივანიშვილი და თავდაცვის მინისტრი ირაკლი ალასანია დაესწრნენ.

მათთან ერთად ქართველი სამხედროებისთვის პროფესიული დღესასწაულის მისალოცად ვაზიანში მინისტრთა კაბინეტის წევრებიც იმყოფებოდნენ.

სპეციალურად მისული სტუმრებისთვის ვაზიანის სამხედრო პოლიგონზე საჩვენებელი საველე-ტაქტიკური სწავლება „ისარი - 013“ გაიმართა. სპეციალური ოპერაციების ძალების პირადმა შემადგენლობამ წვრთნაში საკუთარ შეიარაღებაში არსებული საბრძოლო ტექნიკითა და საქართველოში წარმოებული სამხედრო მანქანებით მიიღო მონაწილეობა. სამხედროებმა ჩასაფრების, ძებნა-გადარჩენის, საცეცხლე მომზადებისა და ძალთა გამოყვანის ამოცანები განახორციელეს.

„ისარი - 013“-ში საჰაერო ბრიგადის ესკადრილიაც იყო ჩართული, რომელმაც ოპერაციის რაიონში ახლო საჰაერო მხარდაჭერა და სპეცდანიშნულების ჯგუფების საჰაერო ინფილტრაცია განახორციელა.

საჩვენებელ სწავლებაში I საარტილერიო ბრიგადის რეაქტიული საარტილერიო ბატარეაც მონაწილეობდა, რომელიც პირობითი მოწინააღმდეგის შეყოვნებისთვის სამიზნეებზე არაპირდაპირ ცეცხლს აწარმოებდა.

საჩვენებელი სწავლების დასრულების შემდეგ პრემიერ-მინისტრი და მთავრობის წარმომადგენლებმა შეიარაღებული ძალების დღე ქართველ სამხედროებს პირადად მიულოცეს. ბიძინა ივანიშვილმა მათ საჩვენებელი სწავლებისთვის მადობა გადაუხადა და პროფესიული წარმატებები უსურვა.

 

მსგავსი სიახლეები

სოციალური ქსელი

ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა ბატონო ირაკლი, თქვენ რომელი სახელმწიფოს პარლამენტის თავმჯდომარე ხართ? - ხათუნა ხოფერია კობახიძეს მიმართავს ქართველი ერი ტრაგედიების სიმბოლოდ იქცა... - მამა პეტრე კოლხი

გამოკითხვა

ვალუტა

  • 2.47
  • 3.04
  • 3.45
  • 0.04
  • 0.65
  • 1.46