საქართველოს რკინიგზას ახალი მატარებლები შეემატა

სამშაბათი, 30 აპრილი, 2013 - 15:21

დღეს ცენტრალურ სადგურში ახალი ელექტრომატარებლის პრეზენტაცია შედგა, რომელიც 2013 წლის 1-ლი მაისიდან თბილისიდან მახინჯაურის მიმართულებით იმოძრავებს. ახალი მატარებლის პრეზენტაციას გენერალური დირექტორი მამუკა ბახტაძე და სამეთვალყურეო საბჭოს თავმჯდომარე კოკა გუნცაძე დაესწრნენ.

როგორც საქართველოს რკინიგზის საზოგადოებასთან ურთიერთობისა და რებრენდინგის სამსახურის უფროსმა "ჯეონიუსს" აცნობა, ახალი მატარებელი გამოირჩევა უსაფრთხოებით, რაც სს ”საქართველოს რკინიგზისთვის” უპირველეს ამოცანას წარმოადგენს. მატარებელში დამონტაჟებულია ე.წ. საჰაერო ბალიშები, რაც მაქსიმალურად უზრუნველყოფს მოძრაობისას რხევების შემცირებასა და გადაადგილების სირბილეს.

გერმანული წარმოების ”კნორის” სისტემის მუხრუჭები, სხვა ელექტრომატარებლებთან შედარებით, საიმედოდ უზრუნველყოფს დიდი სიჩქარის მიუხედავად სამუხრუჭე მანძილის მნიშვნელოვნად შემცირებას.

ახალ მატარებელში სულ 310 ადგილია. რაც შეეხება ბილეთების ფასს, სეზონის დაწყებამდე 1-ლი კლასის ბილეთები 40 ლარის ნაცვლად 25 ლარი, ხოლო მე-2 კლასის ბილეთები, 23 ლარის ნაცვლად,  18 ლარი ეღირება.

მსგავსი სიახლეები

სოციალური ქსელი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.46
  • 2.84
  • 3.23
  • 0.04
  • 0.52
  • 1.45