სასჯელაღსრულების #16 დაწესებულებიდან გათავისუფლებული თანამშრომლები პროკურატურაში სარჩელს შეიტანენ

ორშაბათი, 29 აპრილი, 2013 - 19:39

რუსთავის სასჯელაღსრულების #16 დაწესებულების ყოფილი თანამშრომლები სამსახურში აღდგენის მოთხოვნით პროკურატურაში სარჩელის შეტანას აპირებენ.

დაწესებულების ყოფილ  თანამშრომელთა  განცხადებით,  გათავისუფლების შესახებ ხელმძღვანელობას არ გაუფრთხილებია და აღნიშნული გადაწყვეტილების შესახებ ტელეკომპანია "მაესტროს" ეთერიდან შეიტყვეს.

ყოფილი თანამშრომლები აცხადებენ, რომ საპატიმროს ტერიტორიაზე თვითნებურად შესვლა და საპატიმროში არსებული აკრძალული ნივთების განადგურების ბრალდება, რომელიც  სამსახურიდან მათი დათხოვნის მიზეზი გახდა,  სიმართლეს არ შეესაბამება. #16 დაწესებულების ყოფილი თანამშრომლები ადვოკატთან ერთად დღეს ვითარებაში გარკვევის მიზნით ტელეკომპანია "მაესტროს" ოფისთან შეიკრიბნენ.

როგორც გათავისუფლებულ თანამშრომელთა ადვოკატმა "ჯეონიუსს" განუცხადა, 26 აპრილს სასჯელაღსრულების #16 დაწესებულებიდან 13 თანამშრომელი უსაფუძვლოდ იქნა დათხოვილი, ოფიციალური დასკვნა კი, რის საფუძველზეც ისინი სამსახურიდან გაათავისულეს, მათთვის ამ დრომდე უცნობია. მისივე თქმით, ოფიციალური დასკვნის მიღების შემდეგ, სამსახურში აღდგენის მოთხოვნით პროკურატურაში სარჩელს შეიტანენ.

შეგახსენებთ, 26 აპრილს სასჯელაღსრულების №16-ე დაწესებულებიდან 13 თანამშრომელი გათავისუფლდა, ხოლო ორს საყვედური გამოეცხადა. ამის შესახებ სასჯელაღსრულების სამინისტროში გამართულ საგანგებო ბრიფინგზე გახდა ცნობილი. სამინისტროს პრესსპიკერის ირაკლი კორძაიას განცხადებით, თანამშრომელთა გათავისუფლების მიზეზი დირექტორის დაუმორჩილებლობა და თვითნებობა გახდა.

მსგავსი სიახლეები

სოციალური ქსელი

ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა ბატონო ირაკლი, თქვენ რომელი სახელმწიფოს პარლამენტის თავმჯდომარე ხართ? - ხათუნა ხოფერია კობახიძეს მიმართავს ქართველი ერი ტრაგედიების სიმბოლოდ იქცა... - მამა პეტრე კოლხი

გამოკითხვა

ვალუტა

  • 2.47
  • 3.04
  • 3.44
  • 0.04
  • 0.65
  • 1.46