გია ხუხაშვილი ქვეყნის პატრიოტია და გუნდში დიდი ადგილი უჭირავს - ბიძინა ივანიშვილი

ორშაბათი, 29 აპრილი, 2013 - 14:57

პრემიერმა ნატოს საპარლამენტო ასამბლეის პრეზიდენტთან პირისპირ შეხვედრის შემდეგ ჟურნალისტებს განუცხადა, რომ გია ხუხაშვილი, რომელიც რამდენიმე დღის წინ მის ოფიციალურ მრჩევლად დაინიშნა, გუნდთან ერთად მუშაობს და მას ამ გუნდში თავისი ადგილი აქვს.

პრემიერის განცხადებით,  გია ხუხაშვილი "ძალიან მაგარი კაცია", არ ჰქონია სურვილი მთავრობაში თანამდებობაზე, თუმცა ყველაფერს აკეთებს იმისათვის, რომ ქვეყანას დაეხმაროს და ამას ცდილობს. 

"გია არის აბსოლუტურად პატიოსანი და წესიერი კაცი და ტყუილად ცდილობენ განაწყენებული ადამიანები და, უმეტესწილად, ნაცები ახერხებენ ამას და აღვივებენ სიცრუებს მასთან დაკავშირებით. გია არის აბსოლუტურად წესიერი და მობილიზებული კაცი, რომ ყოველგვარი ანაზღაურების გარეშე დაეხმაროს საკუთარ ქვეყანას. მას ძალიან უყვარს თავისი ქვეყანა და ძალიან ბევრს აკეთებს. ზედმეტად ახერხებენ მის წარმოჩენას, რომ ყველაფერს ის წყვეტს. გია არის ერთ-ერთი მათგანი, ვინც მე მეხმარება და მე ძალიან დიდი მადლობელი ვარ. საოცარი მეუღლე ჰყავს გიას და ძალიან ღელავს, როდესაც გიაზე ასეთ რაღაცეებს წერენ მასზე. გია არის ნამდვილი პატრიოტი თავის ქვეყნის, მთელი გუნდი მუშაობს და ამ გუნდში გიას აქვს თავისი ადგილი", - განაცხადა ბიძინა ივანიშვილმა.

მსგავსი სიახლეები

სოციალური ქსელი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.62
  • 3.09
  • 3.46
  • 0.04
  • 0.42
  • 1.55