ამერიკა ისევ გააგრძელებს საქართველოს დახმარებას

შაბათი, 27 აპრილი, 2013 - 17:35

საქართველოს პრეზიდენტმა მიხეილ სააკაშვილმა ამერიკის ვიცე-პრეზიდენტ ჯო ბაიდენთან არიზონას შტატ, ქალაქ სედონაში შეხვედრის შემდეგ განაცხადა, რომ ამერიკას არ მივუტოვებივართ და გააგრძელებს საქართველოს დახმარებას.

"მე დღეს მქონდა ვრცელი საუბარი ამერიკის ვიცე-პრეზიდენტთან ჯო ბაიდენთან იმ საკითხებზე, რომელიც ეხება საქართველოს ნატოში ინტეგრაციის დაჩქარებას, ამერიკის შეერთებულ შტატებთან თავისუფალი ვაჭრობის ხელშეკრულებას. ეს არის ის დაპირებები, რომელიც ჩვენ მივიღეთ შარშან პრეზიდენტ ობამასთან შეხვედრის დროს. ვიცე-პრეზიდენტმა აღმითქვა, რომ ამ მიმართულებით მუშაობას გააგრძელებენ, რომ ამერიკას არ მივუტოვებივართ და გააგრძელებს საქართველოს დახმარებას. ეს ჩემთვის პირადად არის ძალიან მნიშვნელოვანი. ვფიქრობ ჩვენ ამ საკითხებზე მზად ვართ, რომ გავაგრძელოთ ინტენსიური მუშაობა საქართველოს მთავრობასთან ერთად, რათა ჩემი პრეზიდენტობის დარჩენილ ვადაში დავეხმარო საქართველოს ამ საკითხების ამერიკელებთან ერთად დაჩქარებაში და წინ წაწევაში. ჩვენთვის ნატო ახლა არის ჰაერივით აუცილებელი“, -  განაცხადა მიხეილ სააკაშვილმა.

მსგავსი სიახლეები

სოციალური ქსელი

გამოკითხვა

ვალუტა

  • 2.71
  • 3.18
  • 3.58
  • 0.05
  • 0.68
  • 1.59