ივანიშვილს არჩევნების გაყალბების საშუალებას არ მივცემთ - შალვა ნათელაშვილი

შაბათი, 27 აპრილი, 2013 - 16:45

"ლეიბორისტული პარტიის" ლიდერმა შალვა ნათელაშვილმა სპეციალურად გამართული ბრიფინგიდან პრემიერ-მინისტრს ბიძინა ივანიშვილს არჩევნების სამართლიანად ჩატარებისკენ მოუწოდა.

ნათელაშვილის თქმით, ლეიბორისტული პარტია  წინასაარჩევნო პერიოდში ატარებდა გამოკითხვას და გიორგი გუგავა, ყველა შედეგით, ნაძალადევში, უალტერნატიო კანდიდატია, რომელიც მკვეთრად უსწრებს ყველა სხვას.

"ვაფრთხილებ ივანიშვილს, თუ ეს არჩევნები გაყალბდება, ყველაფერს გავაკეთებთ, რომ მსოფლიოს არც ერთმა ლიდერმა მას ხელი არ ჩამოართვას. ეს გავუკეთეთ შევარდნაძეს, სააკაშვილს და რით დაამთავრეს, ცნობილია. იმედია, იგივე ეკლიან გზას ივანიშვილი არ დაადგება. ისევ ის საარჩევნო კოდექსია, ისევ ის საარჩევნო სიები, ისევ მოქმედებს მოგელაძის ნორმები. ეს ყველაფერი ივანიშვილმა არ შეცვალა, რადგან მოეწონა და მასაც სურს იგივე გზით სიარული. ეს გვიძლიერებს ეჭვს, რომ შეიძლება არჩევნები გაგვიყალბონ. ობიექტური მონაცემით, ნაძალადევის რაიონში იმარჯვებს ლეიბორისტული პარტია და გიორგი გუგავა, ყველა სხვა შედეგი არჩევნების მასობრივი გაყალბების პროდუქტი იქნება", -  განაცხადა შალვა ნათელაშვილმა.

 

მსგავსი სიახლეები

სოციალური ქსელი

გამოკითხვა

ვალუტა

  • 2.73
  • 3.22
  • 3.61
  • 0.05
  • 0.7
  • 1.61