მოულოდნელად გარდაცვლილი პატიმრის საქმეს სასჯელაღსრულების სამინისტრო გამოიძიებს

პარასკევი, 26 აპრილი, 2013 - 13:38

სასჯელ-აღსრულების, პრობაციისა და იურიდიული დახმარების საკითხთა სამინისტროს სასჯელაღსრულების დეპარტამენტის # 2 პატიმრობისა და დახურული ტიპის თავისუფლების აღკვეთის დაწესებულებაში გარდაიცვალა 1976 წელს დაბადებული მსჯავრდებული ხ.დ.

ხ.დ სასჯელს იხდიდა სსკ-ის 260-ე მუხლის მეორე ნაწილით. მსჯავრდებული ჩართული იყო „მეტადონით ჩანაცვლებითი თერაპიის მკურნალობის“ პროგრამაში.

2013 წლის 14 აპრილს 22:00 საათზე მსჯავრდებულმა თავი შეუძლოდ იგრძნო, რის შემდეგაც სასწრაფოდ იქნა გადაყვანილი ქუთაისის საავადმყოფოში, სადაც რამდენიმე წუთში გარდაიცვალა.

გარდაცვლილს ჩაუტარდა სასამართლო-სამედიცინო ექსპერტიზა, გამოძიება ელოდება ჰისტოლოგიური გამოკვლევის შედეგებს, რის შემდეგაც დადგინდება გარდაცვალების ზუსტი მიზეზი.

მომხდარ ფაქტს იძიებს სასჯელაღსრულების, პრობაციისა და იურიდიული დახმარების საკითხთა სამინისტროს საგამოძიებო დეპარტამენტი.

 

მსგავსი სიახლეები

სოციალური ქსელი

გამოკითხვა

ვალუტა

  • 2.71
  • 3.19
  • 3.59
  • 0.05
  • 0.68
  • 1.6