მაია ხარაძე შუალედურ არჩევნებზე დარღვევებს არ გამორიცხავს

ოთხშაბათი, 24 აპრილი, 2013 - 15:10

არ არის გამორიცხული 27 აპრილს პარლამენტის მაჟორიტარულ ოლქებში, შუალედურ არჩევნებზე „ნაციონალურმა მოძრაობამ“ და საარჩევნო ადმინისტრაციის ერთმა ნაწილმა ზურაბ ხარატიშვილის ხელმძღვანელობით, მათთვის კარგად აპრობირებულ მეთოდებს მიმართონ, - აცხადებს კოალიცია „ჩვენი უფლებებისათვის“ თანათავმჯდომარე მაია ხარაძე.

"მართალია, ხელისუფლება და საარჩევნო გარემო შეიცვალა მაგრამ მაინც ნუ დაგვავიწყდება უახლოეს წარსულში თუ როგორ ტარდებოდა არჩევნები და ვინ რას აკეთებდა, ამიტომ საჭიროა 27 აპრილს არჩევნებზე საზოგადოებამ ფხიზელი თვალით განახორციელოს მონიტორინგი ხოლო ამომრჩეველმა კი 1 ოქტომბრის მსგავსად იაქტიუროს", - განაცხადა ხარაძემ.

მისივე თქმით, კოალიცია „ჩვენი უფლებებისათვის“ წარმომადგენლენი „საქართველოს დემოკრატიული პრინციპებისა და ადამიანის უფლებათა დაცვის კაშირის“ ეგიდით, რომელიც არის ადგილობრივი დამკვირვებელი ორგანიზაცია, შუალედურ არჩევნებზე განახორციელებს სადამკვირვებლო მისიას და კენჭისყრის დღეს სავარაუდო გადაცდომებისა და დარღვევების შემთხვევაში საარჩევნო კოდექსით მინიჭებული უფლებებით იმოქმედებენ.

 

მსგავსი სიახლეები

სოციალური ქსელი

გამოკითხვა

ვალუტა

  • 2.73
  • 3.22
  • 3.61
  • 0.05
  • 0.7
  • 1.61