დავით ბაქრაძე პრემიერის გამოსვლიდან სახელმწიფოს და არა პარტიული ინტერესების დაცვას ელოდა

სამშაბათი, 23 აპრილი, 2013 - 18:06

ევროსაბჭოს საპარლამენტო ასამბლეის სხდომაზე ბიძინა ივანიშვილის გამოსვლის შემდეგ კომენტარი გააკეთა საპარლამენტო უმცირესობის წევრმა დავით ბაქრაძემ და პრემიერის გამოსვლა ნაწილობრივ დადებითად შეაფასა.

დავით ბაქრაძის თქმით,  პრემიერის სიტყვით გამოსვლის ნაწილში სწორი და პოზიტიური მესიჯები იყო, რომელიც საქართველოს ევროპულ მომავალსა და ევროპულ ინტეგრაციას უკავშირდება.

"რაც შეეხება კითხვა-პასუხს, მთავარი პასუხი, რომელიც ჩვენ მოვისმინეთ ყველა კრიტიკულ კითხვაზე გახლდათ მხოლოდ ერთი, რომ ეს არის სიცრუე და ყველაფერი წინა ხელისუფლების ბრალია. მე არ ვფიქრობ, რომ ამ დარბაზში, ასეთი სახის კომუნიკაცია ევროპელ დემოკრატებთან და მათი დადანაშაულება სიცრუეში ან არაინფორმირებულობაში, საქართველოს გამოადგება. მეორე და მთავარი, საქართველოს პრემიერ-მინისტრი ამ დარბაზში წარმოადგენს არა მის პარტიას, არამედ საქართველოს სახელმწიფოს და მთავარი, რასაც დღეს მისგან ველოდი, გახლდათ საქართველოს სახელმწიფოს ინტერესების და არა პარტიული ინტერესების დაცვა", -  განაცხადა დავით ბაქრაძემ.

 

 

მსგავსი სიახლეები

სოციალური ქსელი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.62
  • 3.09
  • 3.46
  • 0.04
  • 0.42
  • 1.55