პრემიერ-მინისტრმა და ნილს მუჟნიეკიმ ოკუპირებულ რეგიონებში ადამიანის უფლებების შესახებ ისაუბრეს

ორშაბათი, 22 აპრილი, 2013 - 21:30

საქართველოს პრემიერ-მინისტრი ბიძინა ივანიშვილის შეხვედრა ევროპის ადამიანის უფლებათა დაცვის კომისარ ნილს მუჟნიეკსთან ევროსაბჭოს საპარლამენტო ასამბლეის საგაზაფხულო სესიის ფარგლებში გაიმართა.

 

საქართველოს პრემიერ-მინისტრმა მადლობა გადაუხადა ევროპის ადამიანის უფლებათა დაცვის კომისარს  აქტიური თანამშრომლობისთვის და იმ პრინციპული პოზიციისთვის, რომელიც მან საქართველოში პატიმართა მიმართ გამოაშკარავებული არასათანადო მოპყრობის ფაქტებთან დაკავშირებით გამოიჩინა. სხვადასხვა საკითხებს შორის, საუბარი შეეხო საქართველოს ოკუპირებულ რეგიონებში არსებული ადამიანის უფლებების მდგომარეობის შესახებ ობიექტური ინფორმაციის მომზადების თემას.  

შეხვედრას ქართული დელეგაციის სხვა წევრებიც დაესწრნენ.

საქართველოს საპარლამენტო დელეგაცია პრემიერის ხელმძღვანელობით სტრასბურგში 20 აპრილს გაემგზავრა, ვიზიტი 24 აპრილს დასრულდება.

მსგავსი სიახლეები

სოციალური ქსელი

გამოკითხვა

ვალუტა

  • 2.71
  • 3.19
  • 3.59
  • 0.05
  • 0.68
  • 1.6