„საქართველოს ახალგაზრდა მწვანეები“ დედამიწის დღის აღსანიშნავად მასშტაბურ ღონისძიებებს გეგმავს

, 21 აპრილი, 2013 - 22:17

22 აპრილს, არასამთავრობო ორგანიზაცია „საქართველოს ახალგაზრდა მწვანეები“ დედამიწის დღის აღსანიშნავად მასშტაბურ ღონისძიებებს გეგმავს. საინფორმაციო აქცია-მსვლელობა ვაკის პარკის მიმდებარე ტერიტორიიდან ფილარმონიის მიმართულებით, დღის 13:00 საათზე აიღებს სტარტს.

მსვლელობას შემოუერთდებიან სხვადასხვა ახალგაზრდული ორგანიზაციების წარმომადგენლები, საქართველოს მოლაშქრეთა ფედერაცია და ველოსიპედისტები. აქციის დროს დარიგდება ლიფლეტები და საინფორმაციო ბროშურები, რომლებშიც ხაზი იქნება გასმული ცხოვრების „მწვანე“ სტილის მნიშვნელობაზე. მსვლელობის მთავარი მიზანია, საზოგადოების მაქსიმალურად დიდმა ნაწილმა მიიღოს ინფორმაცია არსებული გლობალური და ადგილობრივი ეკოლოგიური პრობლემებისა და მათ გადაჭრაში ადამიანების როლის შესახებ.

ამავე საღამოს, „მზიურის“ ბაღში, 19:00 საათზე გაიმართება კონცერტი ოთხი თანამედროვე ქართული ბენდის მონაწილეობით: The Balloon Shooters, Oimactta, Dutch Lover, Extreme/Hate/Project.

 

 

მსგავსი სიახლეები

სოციალური ქსელი

გამოკითხვა

ვალუტა

  • 2.7
  • 3.18
  • 3.57
  • 0.05
  • 0.7
  • 1.59