ფინანსთა სამინისტროს საგამოძიებო სამსახურმა „არტ-კომპანი“-ს დამფუძნებელი და დირექტორი დააკავა

შაბათი, 20 აპრილი, 2013 - 18:12

საქართველოს ფინანსთა სამინისტროს საგამოძიებო სამსახურის თანამშრომლებმა შპს „ არტ-კომპანი“-ს დამფუძნებელი და დირექტორი დავით აფხაზი დააკავეს. გამოძიებით დადგინდა, რომ დაკავებული ყალბი საჯარო ხელშეკრულების საფუძველზე აიპ „ინვალიდთა ლიგა“-ს ქონებით, კერძოდ სასცენო აპარატურით სარგებლობდა და მონაწილეობას იღებდა მერიის მიერ გამოცხადებულ ტენდერებში. მისი ასეთი ქმედებით აიპ „ინვალიდთა ლიგა“-ს მიადგა მნიშვნელოვანი ზარალი 396 814 ლარის ოდენობით.

საგამოძიებო სამსახურის თანამშრომლებმა დავით აფხაზი 18 აპრილს დააკავეს. საქმეზე გამოძიება საქართველოს სისხლის სამართლის კოდექსის 362-ე მუხლის მეორე ნაწილით მიმდინარეობს, რაც თავისუფლების აღკვეთას სამიდან ექვს წლამდე ვადით ითვალისწინებს.

მსგავსი სიახლეები

სოციალური ქსელი

გამოკითხვა

ვალუტა

  • 2.7
  • 3.18
  • 3.57
  • 0.05
  • 0.7
  • 1.59