საქართველოს თავდაცვის სამინისტრო განცხადებას ავრცელებს

ხუთშაბათი, 18 აპრილი, 2013 - 23:25

საქართველოს თავდაცვის სამინისტრო ტენდერში კომპანია Foodline Georgia-ის გამარჯვების შესახებ გავრცელებულ ინფორმაციაზე განცხადებას ავრცელებს. "ჯეონიუსი" გთავაზობთ განცხადების ტექსტს:

"18 აპრილს გავრცელდა არასწორი ინფორმაცია იმის შესახებ, რომ თავდაცვის სამინისტროს მიერ გამოცხადებულ 34 მილიონ ლარიან ტენდერში კომპანია “Foodline Georgia”-მ გაიმარჯვა. ეს ტენდერი ჯერ არ დასრულებულა და გამარჯვებული გამოვლენილი არ არის, თუმცა აღნიშნული კომპანია, მოთხოვნილი საბუთების დაგვიანებით წარმოდგენის გამო, 17 აპრილს მოიხსნა ტენდერიდან.

წერილი დისკვალიფიკაციის შესახებ და ზოგადად, ამ და თავდაცვის სამინისტროში მიმდინარე ყველა სხვა ღია ტენდერთან დაკავშირებული დეტალური ინფორმაცია, განთავსებულია კონკურენციისა და სახელმწიფო შესყიდვების სააგენტოს ვებგვერდზე.

რაც შეხება მეორე ტენდერს, რომელიც ეხება კახეთის და ქვემო ქართლის რეგიონების კვებას, კომპანია „Foodline Georgia“, დღეის მონაცემებით, მეორე ეტაპზეა გადასული და მოეთხოვება დაზუსტებული დოკუმენტაციის 19 აპრილამდე წარმოდგენა", - ნათქვამია განცხადებაში.

 

 

 

 

 

 

 

მსგავსი სიახლეები

სოციალური ქსელი

გამოკითხვა

ვალუტა

  • 2.71
  • 3.18
  • 3.58
  • 0.05
  • 0.68
  • 1.59