დავით უსუფაშვილი ჩეხეთის დეპუტატთა პალატის სამოქალაქო-დემოკრატიული პარტიის ფრაქციის ხელმძღვანელს შეხვდა

ხუთშაბათი, 18 აპრილი, 2013 - 12:16

დელეგაციის წევრები, პარლამენტის თავმჯდომარის დავით უსუფაშვილის ხელმძღვანელობით, ჩეხეთის დეპუტატთა პალატის სამოქალაქო-დემოკრატიული პარტიის ფრაქციის ხელმძღვანელს, მარეკ ბენდას შეხვდა.

მარეკ ბენდამ ჩეხეთ-საქართველოს მეგობრულ და პარტნიორულ ურთიერთობაზე ისაუბრა და აღნიშნა, რომ ჩეხეთი, როგორც მეგობარი ქვეყანა მხარს უჭერდა და კვლავაც მხარს დაუჭერს ქართველი ხალხის სწრაფვას ევროპულ და ევროატლანტიკური სტრუქტურებისაკენ.

თავის მხრივ კი დავით უსუფაშვილმა ქვეყნის საგარეო პოლიტიკური კურსის ძირითად მიმართულებებზე საუბრისას დაადასტურა ქვეყნის ურყევი კურსი ევროპისა და ევროატლანტიკური სტრუქტურებისაკენ და განმარტა, რომ აღნიშნულ ორგანიზაციებში გაწევრიანების მისწრაფება, ეს არის არა ცალკეული პოლიტიკური ან პარტიული ლიდერის მისწრაფება, არამედ ეს არის ქართველი ხალხის ურყევი ნება. დავით უსუფაშვილმა ამ მიმართულებით საქართველოს ევროპელი მეგობრების მხარდაჭერის მნიშვნელობაზე ისაუბრა.

შეხვედრაზე საქართველოში მიმდინარე რეფორმებზე ისაუბრეს. აღინიშნა, რომ ევროპის გამოცდილება ძალზედ საინტერესო და მნიშვნელოვანია განსაკუთრებით გარდამავალი დემოკრატიის ქვეყნებისთვის.

გადაწყდა, რომ საპარლამენტთაშორისო ურთიერთობები უფრო ინტენსიურ ფორმატში წარიმართოს და უკვე დაიგეგმა ივნისის თვეში ჩეხეთის დეპუტატთა პალატის დელეგაციის ვიზიტი საქართველოში.

 

მსგავსი სიახლეები

სოციალური ქსელი

ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა ბატონო ირაკლი, თქვენ რომელი სახელმწიფოს პარლამენტის თავმჯდომარე ხართ? - ხათუნა ხოფერია კობახიძეს მიმართავს ქართველი ერი ტრაგედიების სიმბოლოდ იქცა... - მამა პეტრე კოლხი

გამოკითხვა

ვალუტა

  • 2.54
  • 3.11
  • 3.52
  • 0.04
  • 0.67
  • 1.5