ახლაც მაქვს შემოთავაზებები საერთაშორისო ორანიზაციებიდან სერიოზულ თანამდებობებზე - მიხეილ სააკაშვილი

ოთხშაბათი, 17 აპრილი, 2013 - 13:50

მე მქონდა და ახლაც მაქვს შემოთავაზებები საერთაშორისო ორანიზაციებიდან სერიოზულ თანამდებობებზე, მაგრამ ჩემი გული, ჩემი სული არის საქართველოში და არსად წასვლას არ ვაპირებ, - ამის შესახებ საქართველოს პრეზიდენტმა მიხეილ სააკაშვილმა გადაცემა "პოზიციაში" საკუთარ პოლიტიკურ გეგმებზე საუბრისას განაცხადა.

მისი თქმით, საქართველოს სუვერენიტეტი არ უნდა დადგეს საფრთხის ქვეშ და ის ამ საფრთხის ასაცილებლად ყველაფერს გააკეთებს.

"სანამ საქართველო არ იქნება თავისუფალი, სანამ საქართველო ამ ბრძოლაში ბოლომდე არ გაიმარჯვებს, მე ამ ბრძოლიდან არ გავალ. ჩვენ უნდა ვიყოთ ძალიან ფრთხილად, მობილიზებულები და რაც მთავარია, არაფერი დავუშავოთ ჩვენს ქვეყანას, შევინარჩუნოთ რაც არის და წავიდეთ წინ. და თუ ამ მთავრობას შევუწყობ ხელს და გამოცდილებას გავუზიარებ მე დიდი სიამოვნებით ვიქნები მათი უფასო კონსულტანტიც", - განაცხადა მიხეილ სააკაშვილმა.

მისი თქმით, ის მზადაა კონსულტაციები გაუწიოს როგორც პრემიერ-მინისტრს, ისე ახალ პრეზიდენტსაც, რომელიც არჩევნების შემდეგ ქვეყნის სათავეში მოვა.

" სიამოვნებით ვიქნები პრემიერ-მინისტრის კონსულტანტიც ამ არჩევნების შემდეგ, მათ შორის საპარლამენტო არჩევნების შემდეგ, ახალი პრეზიდენტის კონსულტანტიც. იმიტომ, რომ ჩვენ გვინდა საბოლოო ჯამში ქვეყანა წინ წავიდეს", - განაცხადა პრეზიდენტმა.

მსგავსი სიახლეები

სოციალური ქსელი

ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა ბატონო ირაკლი, თქვენ რომელი სახელმწიფოს პარლამენტის თავმჯდომარე ხართ? - ხათუნა ხოფერია კობახიძეს მიმართავს ქართველი ერი ტრაგედიების სიმბოლოდ იქცა... - მამა პეტრე კოლხი

გამოკითხვა

ვალუტა

  • 2.56
  • 3.1
  • 3.49
  • 0.05
  • 0.68
  • 1.51