ბიძინა ივანიშვილის ბიზნესცენტრთან 15 დღეა რამდენიმე ადამიანი შიმშილობს

ორშაბათი, 15 აპრილი, 2013 - 19:32

ბიძინა ივანიშვილის ბიზნესცენტრთან 15 დღეა რამდენიმე ადამიანი შიმშილობს. მათი მოთხოვნაა იპოთეკური სესხის დასაფარად პრემიერ-მინისტრმა გასცეს გრძელვადიანი კრედიტები ან შეძლებისდაგვარად თვითონ დაფაროს.

როგორც მოშიმშილეებმა "ჯეონიუსს" განუცხადეს, გაუსაძლის პირობებში არიან და არანაირი დახმარება, არანაირი ხელშეწყობა არ აქვთ.

"სესხი ჩვენი ოჯახის გადასარჩენად ავიღეთ, სახლებიდან გამოგვყარეს, აღარაფერი დაგვიტოვეს, უკიდურეს ზღვარზე ვართ მისულები. როდესაც მოდიან ხელისუფლების წევრები, არც გვიყურებენ. როდესაც ზვიად ძიძიგური მოვიდა,  გვითხრა:"რაც აიღეთ ის გადაიხადეთ", ამის მეტი არავის არაფერი უთქვამს. თვითონ ბიძინა ივანიშვილიც გვემალება. ჩვენ სანამ ცოცხლები ვართ, აქ ვიქნებით და არავითარ შემთხვევაში არ დავიშლეებით. შესაძლოა, საქმე ძალიან გართულდეს და თუ პრემიერ მინისტრი არ დაგველაპარაკება და არ გადაწყდება ჩვენი საქმე, მაშინ აქ დავიხოცებით და თავს შევაკლავთ", - აცხადებენ მოშიმშილეები.

მათივე თქმით, ბიძინა ივანიშვილს პირველები ისინი უჭერდნენ მხარს, თუმცა სანაცვლოდ არაფერი მიიღეს.

მოშიმშილეების განცხადებით, ბევრი მათგანი მუშაობდა სახელმწიფო სტრუქტურაში და ბევრი რამ იციან მათ შესახებ და თუ გამოსავალი აღარ იქნება, მაშინ ყველაფერს გამოააშკარავებენ და ბევრ რამეს საჯაროდ იტყვიან. 

გიორგი ფოცხვერაშვილი.

მსგავსი სიახლეები

სოციალური ქსელი

გამოკითხვა

ვალუტა

  • 2.71
  • 3.19
  • 3.59
  • 0.05
  • 0.68
  • 1.6