თბილისის მერიასთან გარემოვაჭრეების აქცია გაიმართა

ორშაბათი, 15 აპრილი, 2013 - 19:21

თბილისის მერიასთან გარემოვაჭრეების აქცია გაიმართა. აქციის მონაწილეების თქმით, ისინი 2010 წელს აყარეს თავიანთი ტერიტორიიდან და გადაიყვანეს ყაზბეგის ქუჩაზე და შემდეგ არც ყაზბეგის ქუჩაზე გააჩერეს, რადგან იქ იგეგმებოდა მშენებლობა და მერიის გააფრთხილებით ტერიტორია უნდა დაეტოვებინათ 10 დღეში.

როგორც აქციის მონაწილეებმა განაცხადეს, სასამართლოში სარჩელი შეიტანეს, თუმცა დღემდე მათი საქმე არ განხილულა.

მოვაჭრეების მოთხოვნაა, რომ იანვრამდე დარჩნენ ყაზბეგის ქუჩაზე,  რათა აღებული სესხები დაფარონ.

აქციას ესწრებოდა არასამთავრობო ორგანიზაცია "green peace"-ის ხელმძღვანელი ლაშა ჩხარტიშვილი.

"ამ ეტაპზე ჩანს, რომ ჩვენმა საპროტესტო აქციებმა ნაწილობრივ გამოიღო შედეგი და ჩანს დაპირება, რომ ალტერნატივის სახით აპირებენ ქავთარაძეზე მათთვის ტერიტორიის გამოყოფას, თუმცა ჯერ  უცნობია, რამდენად შესრულდება. თუკი მერია რეალურად აპირებდა ამ პრობლემის მოგვარებას, აღნიშნულზე ზრუნვა მაშინ უნდა დაეწყო, როცა ბაზრის ადმინისტრაცია იძულებით აწერინებდა ხელს მოვაჭრეებს ბაზრის დატოვებაზე და არა ახლა, როცა აქციები დაიწყო ხალხმა. სულ არაფერს ჯობია, რომ პროტესტის შედეგად მიიღონ ადეკვატური გადაწყვეტილებები და არ დაკეტონ ბაზრობა, რათა ხალხი არ დარჩეს სამუშაოს გარეშე", - განაცხადა აქციაზე ლაშა ჩხარტიშვილმა.

 

მსგავსი სიახლეები

სოციალური ქსელი

გამოკითხვა

ვალუტა

  • 2.71
  • 3.19
  • 3.59
  • 0.05
  • 0.68
  • 1.6