რეგიონული განვითარებისა და ინფრასტრუქტურის სამინისტრო აქციაში - ,,გაიღე სისხლი - გადაარჩინე სიცოცხლე“ ჩაერთო

ორშაბათი, 15 აპრილი, 2013 - 17:50

საქართველოს რეგიონული განვითარებისა და ინფრასტრუქტურის სამინისტრო აქციაში - "გაიღე სისხლი - გადაარჩინე სიცოცხლე“ ჩაერთო. მინისტრმა, მისმა მოადგილეებმა და სამინისტროს თანამშრომლებმა ლეიკემიით დაავადებული ბავშვების დასახმარებლად სისხლი გაიღეს.

აქციაში, ასევე, მონაწილეობდნენ საავტომობილო გზების დეპარტამენტის, გაერთიანებული წყალმომარაგების კომპანიის, მუნიციპალური განვითარების ფონდის, მყარი ნარჩენების მართვის კომპანიისა და ხუხუნაიშვილის სახელობის რეფორმების ცენტრის თანამშრომლები. იშვილის კლინიკის სისხლის ბანკის ბრიგადა ადგილზე, რეგიონული განვითარების სამინისტროში მუშაობდა.

სტატისტიკური მონაცემების თანახმად, საქართველოში 0-დან 18 წლამდე ასაკში ყოველწლიურად ლეიკემიის 40 ახალი შემთხევა ფიქსირდება. ბავშვების მკურნალობისთვის, ძირითადად, ქიმიოთერაპიის რამდენიმე კურსია საჭირო. შესაბამისად, პაციენტთა კლინიკაში დაყოვნების პერიოდი 9 თვეს მოიცავს. ქიმიოთერაპიის კურსის შემდგომ თითქმის ყველა შემთხვევაში საჭირო ხდება სისხლის გადასხმა.

სისხლის გაღების მსურველთა ასაკი 18-დან 60 წლამდე განისაზღვრება. დონორი არ უნდა იყოს B და C ჰეპატიტის ვირუსის მატარებელი, ასევე, ბოლო ათი წლის განმავლობაში არ უნდა ჰქონდეს გადატანილი A ჰეპატიტი (ბოტკინი), არ უნდა ღებულობდეს პრეპარატებს (ანტიბიოტიკი), არ უნდა ჰქონდეს მიღებული ალკოჰოლი ბოლო 24-36 საათის განმავლობაში.

 

მსგავსი სიახლეები

სოციალური ქსელი

გამოკითხვა

ვალუტა

  • 2.71
  • 3.19
  • 3.59
  • 0.05
  • 0.68
  • 1.6