ერთიანი ეროვნული გამოცდებისათვის რეგისტრაცია 20 აპრილს დასრულდება

ორშაბათი, 15 აპრილი, 2013 - 17:34

გამოცდების ეროვნული ცენტრი 2013 წლის ერთიანი ეროვნული გამოცდებისათვის რეგისტრაციის პროცესს 20 აპრილს 18:00 საათზე დაასრულებს, - განცხადებას საქართველოს განათლებისა და მეცნიერების სამინისტრო აქვეყნებს. 

სამინისტროს განცხადებით,  აბიტურიენტები, რომლებიც ამ ვადაში არ გაივლიან რეგისტრაციას (არ მიუთითებენ ჩასაბარებელ გამოცდებს და ა.შ.) ერთიან ეროვნულ გამოცდებში მონაწილეობას ვერ მიიღებენ.

2013 წელს აბიტურიენტები რეგისტრაციას მხოლოდ ინტერნეტით, გამოცდების ეროვნული ცენტრის ვებგვერდზე შემდეგ მისამართზე(www.naec.ge; online.naec.ge) გაივლიან.

აბიტურიენტებმა უნდა გაითვალისწინონ, რომ 2013 წლიდან მეორადი ჩარიცხვები აღარ ჩატარდება, ამიტომ თავიდანვე უნდა მიუთითონ ყველა პროგრამა, რომელზეც მათ მიერ არჩეული გამოცდები ბარდება.

მსგავსი სიახლეები

სოციალური ქსელი

გამოკითხვა

ვალუტა

  • 2.73
  • 3.22
  • 3.61
  • 0.05
  • 0.7
  • 1.61