ცხელი შოკოლადი ნარინჯისფერი ფინჯნით უნდა დალიოთ

, 28 აპრილი, 2013 - 15:38

ევროპელმა მეცნიერებმა დაადგინეს, თუ როგორ შეიძლება აღვიქვათ საკვების ნამდვილი გემო. ვალენსიის ტექნიკური უნივერსიტეტისა და ოქსფორდის უნივერსიტეტის მკვლევარებმა 57 მოხალისეს კრემისფერი, წითელი, ნარინჯისფერი და თეთრი ფერის ფინჯნებიდან,  რომელთა შიდა მხარე თეთრი ფერის იყო, ცხელი შოკოლადის დაგემოვნება სთხოვეს. მიუხედავად იმისა, რომ ცხელი შოკოლადი ყველა ფინჯანში ერთი და იგივე იყო, მოხალისეებმა მაინც იპოვნეს განსხვავება და აღნიშნეს, რომ კრემისფერ და ნარინჯისფერ ფინჯნებში უფრო გემრიელი ცხელი შოკოლადი ესხა.

საკვებისა და სასმელის შესანახმა კონტეინერმა, შესაძლოა, პროდუქტს გემო და არომატი შეუცვალოს. გამოკვლევებმა აჩვენა, რომ ყვითელ ჭურჭელში, თუ სასმელი ლიმონს შეიცავს, ლიმონის არომატი უფრო მძაფრი ხდება. სასმელი, რომელიც ცივი ფერის, მაგალითად, ლურჯი ფერის ჭურჭელშია მოთავსებული, წყურვილს უფრო ადვილად მოგიკლავთ, ვიდრე თბილ, მაგალითად, წითელ ჭურჭელში მოთავსებული იგივე სასმელი. ხოლო სასმელი, რომელიც ვარდისფერ ჭურჭელშია მოთავსებული, უფრო ტკბილი ხდება.

მსგავსი სიახლეები

სოციალური ქსელი

გამოკითხვა

ვალუტა

  • 2.73
  • 3.22
  • 3.61
  • 0.05
  • 0.7
  • 1.61