იაპონელებმა მარგალიტის რეკორდული სიგრძის ყელსაბამი შექმნეს

შაბათი, 13 აპრილი, 2013 - 14:42

იაპონიის ქალაქ ოსაკაში მსოფლიოში ყველაზე გრძელი - 222 მეტრის სიგრძის მარგალიტის ყელსაბამი შექმნეს. ადგილობრივი მედიის ცნობით, ყელსაბამი გინესის რეკორდების წიგნში შევა.

 

ყელსაბამის წონა, რომელსაც სამი თვის განმავლობაში ქმნიდნენ, თითქმის 20 კილოგრამია და მის შესაქმნელად 28 ათასი მარგალიტის ბურთულა გამოიყენეს.

მიუხედავად დიდი მოთხოვნისა, ყელსაბამი არ გაიყიდება.

გამოფენის ორგანიზატორები, პროვინცია მეის ტურისტული ასოციაციის წევრები თვლიან, რომ ამ აქციით გაზრდიან პროვინციის პოპულარობას და მარგალიტის მომხმარებლებს მოიზიდავენ არა მარტო იაპონიიდან, არამედ მთელი მსოფლიოდან.

აღსანიშნავია, რომ წინა რეკორდი ასევე ეკუთვნოდათ იაპონელ იუველირებს ეჰიმის პრეფექტურიდან. მათი შექმნილი მარგალიტის ყელსაბამის სიგრძე 187 მეტრი იყო.

 

მსგავსი სიახლეები

სოციალური ქსელი

გამოკითხვა

ვალუტა

  • 2.73
  • 3.22
  • 3.61
  • 0.05
  • 0.7
  • 1.61