ნაძალადეველები ბედნიერები არიან, რომ მათი კანდიდატი თამარ კორძაიაა - ზაზა გაბუნია

პარასკევი, 12 აპრილი, 2013 - 17:48

თამარ კორძაიას კარგად ესმის თვითმმართველობის როლი და დარწმუნებული ვარ, რომ როგორც პარლამენტის წევრი, ის იქნება თვითმმართველობის როლის გაზრდის მხარდამჭერი, - ამის შესახებ თბილისის საკრებულოს ფრაქცია "ქართული ოცნება - დემოკრატიული საქართველოს" წევრმა ზაზა გაბუნიამ განაცხადა.

გაბუნიას თქმით, ნაძალადეველები ბედნიერები არიან, რომ ჰყავთ თამარ კორაძაიასნაირი კვალიფიციური და კეთილსინდისიერი კანდიდატი.

"თამარ კორძაიას მხარდაჭერა ნიშნავს იმას, რომ ნაძალადევში საფუძველი დაედება ახალი ტიპის მაჟორიტარის საქმიანობას. როცა მაჟორიტარი დეპუტატი არის არა მოსახლეობის ბატონი, არამედ მისი მსახური, მოსახლეობის დაკვეთის შემსრულებელი", - განაცხადა ზაზა გაბუნიამ.

მან აღნიშნა, რომ "ქართულმა ოცნებამ" ისეთი მნიშვნელოვანი მოღვაწის შემდეგ, როგორიც თეა წულუკიანია, არჩევანი თამარ კორძაიაზე სრულიად სწორად გააკეთა.

ცნობისთვის, თბილისის საკრებულოს ფრაქცია "ქართული ოცნება - დემოკრატიული საქართველოს" წევრებმა ზაზა გაბუნიამ და ჯაბა სამუშიამ, ნაძალადევში "ქართული ოცნების" კანდიდატის თამარ კორძაიას მხარდამჭერ შეხვედრაში მიიღეს მონაწილეობა.

 

მსგავსი სიახლეები

სოციალური ქსელი

გამოკითხვა

ვალუტა

  • 2.73
  • 3.22
  • 3.61
  • 0.05
  • 0.7
  • 1.61