კახა კალაძემ კომპანია RusHydro-ს წარმომადგენლებთან შეხვედრა გამართა

პარასკევი, 12 აპრილი, 2013 - 13:49

ენერგეტიკისა და ბუნებრივი რესურსების მინისტრი კახა კალაძე თბილისში სამუშაო ვიზიტით მყოფი კომპანია RusHydro-ს წარმომადგენლებს შეხვდა. დელეგაციას RusHydro-ს დირექტორთა საბჭოს თავმჯდომარის მოადგილე გიორგი რიჟინაშვილი ხელმძღვანელობს. შეხვედრაზე RusHydro-ს წარმომადგენლები საქართველოს ჰიდრორესურსებით დაინტერესდნენ. შეიქმნება სამუშაო ჯგუფი, რომელიც კომპანიას ჰიდროპროექტების დამუშავებაში დაეხმარება. ამასთან, სამინისტრო სამუშაო რეჟიმში კომპანიას თითოეულ პოტენციურ პროექტს გააცნობს, რომელიც უკვე შემუშავებულია და მათ განხორციელებას მთავრობა პრიორიტეტულად მიიჩნევს.

ვიზიტის ფარგლებში, RusHydro-ს წარმომადგენლები შეხვედრებს საპარტნიორო ფონდის აღმასრულებელი დირექტორის მოადგილესთან გიორგი ბაჩიაშვილთან და „საქართველოს სახელმწიფო ელექტროსისტემის“ მმართველთა საბჭოს თავმჯდომარესთან სულხან ზუმბურიძესთან გამართავენ.

ვიზიტს ორგანიზებას საქართველოს ეროვნული საინვესტიციო სააგენტო და საპარტნიორო ფონდი უწევენ.

რუსული კომპანია RusHydro მსოფლიოში ჰიდროელექტროსადგურების მფლობელი სიდიდით მეორე კომპანიაა და მისი 60-ზე მეტი ჰიდროელექტროსადგურის ჯამური დადგმული სიმძლავრე 35 გიგავატს შეადგენს.

RusHydro-ს წარმომადგენლების თბილისში ჩამოსვლა დავოსის მსოფლიო ეკონომიკურ ფორუმზე, პრემიერ-მინისტრთან შეხვედრის შემდეგ გადაწყდა.

მსგავსი სიახლეები

სოციალური ქსელი

ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა ბატონო ირაკლი, თქვენ რომელი სახელმწიფოს პარლამენტის თავმჯდომარე ხართ? - ხათუნა ხოფერია კობახიძეს მიმართავს ქართველი ერი ტრაგედიების სიმბოლოდ იქცა... - მამა პეტრე კოლხი

გამოკითხვა

ვალუტა

  • 2.54
  • 3.11
  • 3.52
  • 0.04
  • 0.67
  • 1.5