ინვალიდთა ასოციაციას ოფისს უნგრევენ

ხუთშაბათი, 11 აპრილი, 2013 - 15:29

რაღაც ძალები მიზანმიმართულად ცდილობენ ღვთისშვილთა კავშირის (ინვალიდთა ასოციაციის) განადგურებას და კონფრონტაციის გამოწვევას ახალ, ბიძინა ივანიშვილის ხელისუფლებასთან - ამის შესახებ ინვალიდთა ასოციაციის პრეზიდენტმა  ზაზა სიხარულიძემ დღეს გამართულ პრესკონფერენციაზე განაცხადა.

"შენობა, რომელშიც განთავსებულია ამ ასოციაციის ოფისი, გაყიდულა და ინკოგნიტო მფლობელის ემისრები აპირებენ შენობის დანგრევას" - აცხადებს სიხარულიძე. "ინვალიდთა ასოციაცია" ხელისუფლებისა და ახალი მფლობელებისაგან მოითხოვს აღნიშნული შენობის ნგრევის გადადებას მანამდე, ვიდრე მოიძებნება ალტერნეტიული ფართი ან რაიმე სახის სხვა კომპენსაცია.

წინააღმდეგ შემთხვევაში, როგორც ასოციაციის ლიდერი აცხადებს, სიცოცხლის ფასადაც არ დათმობს ამჟამად კუთვნილ ფართს და ასოციაციის წევრები მიმართავენ მშვიდობიანი პროტესტის სხვადასხვა, მათ შორის, ფართომაშტაბიან ფორმებს.

"ინვალიდთა ასოციაცია" სრულიად საქართველოს კათოლიკოს-პატრიარქის, ილია II-ის ლოცვა-კურთხევითა და ბავშვობიდან პირველი ჯგუფის ინვალიდის, ზაზა სიხარულიძის ინიციატივით 1989 წელს დაარსდა. ასოციაცია მიზნად ისახავდა ეკლესიის მოღვაწეობის ხელშეწყობას, მონაწილეობდა სამების საკათედრო ტაძრისა თუ სხვა ეკლესია-მონასტრების მშენებლობასა და რესტავრაციაში, შესაწირავების გაღებისა და ჰუმანიტარული დახმარების აღმოჩენის საქმეში.

მსგავსი სიახლეები

სოციალური ქსელი

გამოკითხვა

ვალუტა

  • 2.71
  • 3.19
  • 3.59
  • 0.05
  • 0.68
  • 1.6