შეზღუდული შესაძლებლობების მქონე პირთა არჩევნებში ჩართულობა უზრუნველყოფილი იქნება

ოთხშაბათი, 10 აპრილი, 2013 - 19:41

მიმდინარე წლის 27 აპრილს საქართველოს პარლამენტის შუალედურ არჩევნებში შეზღუდული შესაძლებლობების მქონე პირთა არჩევნებში მონაწილეობას მობილური ჯგუფები უზრუნველყოფენ, ხოლო მხედველობაშეზღუდული ამომრჩევლები ბიულეტენის ადაპტირებული ჩარჩოთი ისარგებლებენ. 

აღნიშნულ მომსახურებას კოალიცია ,,დამოუკიდებელი ცხოვრებისათვის”, უსინათლოთა კავშირი და ცენტრალური საარჩევნო კომისია საარჩევნო სისტემების საერთაშორისო ფონდის (IFES) მხარდაჭერით ახორციელებენ.

შეგახსენებთ, რომ ეტლით მოსარგებლე პირების მობილური ჯგუფებით უზრუნველყოფა პირველად 2010 წლის ადგილობრივი თვითმმართველობის არჩევნების დროს განხორციელდა (პროექტის ფარგლებში - „შეზღუდული შესაძლებლობების მქონე პირთა მობილური ჯგუფებით საარჩევნო უბნამდე გადაადგილება“). საქართველოს პარლამენტის 2012 წლის 1 ოქტომბრის არჩევნებში კი მობილური ჯგუფების საშუალებით შეზღუდული შესაძლებლობის მქონე 98 ამომრჩეველმა მიიღო მონაწილეობა.

მსგავსი სიახლეები

სოციალური ქსელი

გამოკითხვა

ვალუტა

  • 2.7
  • 3.18
  • 3.57
  • 0.05
  • 0.7
  • 1.59