მთავარ პროკურატურასთან აქცია მიმდინარეობს

ოთხშაბათი, 10 აპრილი, 2013 - 14:41

სააქციო საზოგადოება "ცენტრ-პოინტის" მიერ დაზარალებული მენაშენეები პროკურატურისგან მათი საქმის დროულად გამოძიებას და კუთვნილი ფართებით დაკმაყოფილებას მოითხოვენ. ამ მოთხოვნით პროკურატურის შენობასთან დაზარალებული მენაშენეების საპროტესტო აქცია მიმდინარეობს.

როგორც აქციის მონაწილეები განმარტავენ, იმ შემთხვევაში, თუ არ მოხდება მათი დაკმაყოფილება პროკურატურის მხრიდან, მოითხოვენ მთავარი პროკურორის არჩილ კბილაშვილის გადადგომას.

ასევე, პარალელურად, პროკურატურის კიბეებთან მიმდინარეობს მჯდომარე აქცია. როგორც აქციის მონაწილეები აცხადებენ, ისინი არ აპირებენ დაშლას და მოთხოვნების დაკმაყოფილების მიზნით, დაიწყებენ შიმშილობას პროკურატურის შენობასთან.

ამასთან, დღეს საქართველოს მთავარმა პროკურატურამ სპეციალური განცხადება გაავრცელა, სადაც სამშენებლო კომპანია „ცენტრ პოინტი"-ს წარმომადგენლების მიერ განხორციელებულ თაღლითობის ფაქტზეა საუბარი.

 

მსგავსი სიახლეები

სოციალური ქსელი

გამოკითხვა

ვალუტა

  • 2.7
  • 3.18
  • 3.57
  • 0.05
  • 0.7
  • 1.59