მიხეილ სააკაშვილი თურქეთის პრეზიდენტს შეხვდა

სამშაბათი, 09 აპრილი, 2013 - 15:13

საქართველოს პრეზიდენტი მიხეილ სააკაშვილი ოფიციალური ვიზიტის ფარგლებში დღეს თურქ კოლეგას, აბდულა გიულს ჩანკაიას საპრეზიდენტო სასახლეში პირისპირ, დახურულ კარს მიღმა შეხვდა.

შეხვედრის შესახებ ინფორმაციას საქართველოს პრეზიდენტის პრესსამსახური facebook-ის ოფიციალურ გვერდზე აქვეყნებს.

მხარეთა შორის საუბრის მთავარი თემა ორ ქვეყანას შორის ურთიერთობა და სამომავლო თანამშრომლობა იყო. შეხვედრისას, კიდევ ერთხელ აღინიშნა, რომ თურქეთი საქართველოს სტრატეგიული პარტნიორია და სრულად უჭერს მხარს ქვეყნის ნატოში ინტეგრაციას.

ორი ქვეყნის ლიდერებმა იმ მნიშვნელოვან პროექტებზე გაამახვილეს ყურადღება, რომლებსაც საქართველო და თურქეთი ერთობლივად ახორციელებს, საუბარი ეკონომიკური თანამშრომლობის საკითხებსაც შეეხო.

შეხვედრის შემდეგ ჩანკაიას საპრეზიდენტო სასახლეში სამუშაო სადილიც გაიმართა, რომელსაც ორივე მხარის წარმომადგენლები გაფართოებული შემადგენლობებით დაესწრნენ.

მსგავსი სიახლეები

სოციალური ქსელი

გამოკითხვა

ვალუტა

  • 2.7
  • 3.18
  • 3.57
  • 0.05
  • 0.7
  • 1.59