მიხეილ სააკაშვილს სტამბულის საავადმყოფოში ოპერაცია ჩაუტარდა

სამშაბათი, 09 აპრილი, 2013 - 14:47

საქართველოს პრეზიდენტის ჯანმრთელობის მდგომარეობა ამჟამად სტაბილურია, - ამის შესახებ საპარლამენტო უმცირესობის წევრმა ჩიორა თაქთქიშვილმა განაცხადა. თაქთაქიშვილის თქმით, საკაშვილს სტამბულის საავადმყოფოში ოპერაცია ჩაუტარდა და მიუხედავად მიღებული დაზიანებებისა, პრეზიდენტი თურქეთში ოფიციალური ვიზიტის ფარგლებში შეხვედრების გაგრძელებას გეგმავს.

შეგახსენებთ, 7 აპრილს მიხეილ სააკაშვილი ველოსიპედით ყოველდღიური ვარჯიშის დროს დაშავდა. პრეზიდენტს სტამბულის საავადმყოფოში გამოკვლევისას მხრის სამმაგი მოტეხილობა დაუდგინდა. პრეზიდენტს ამავე საავადმყოფოში ჩაუტარდა ოპერაცია.

პრეზიდენტის პრესსამსახურის ცნობით შეხვედრები, მათ შორის, შეხვედრა და სადილი თურქეთის პრეზიდენტთან, რომლებიც ორშაბათს იყო დაგეგმილი სამშაბათს გაიმართება. აღნიშნული შეხვედრების შემდეგ საქართველოს პრეზიდენტი თურქეთს დატოვებს.

მსგავსი სიახლეები

სოციალური ქსელი

გამოკითხვა

ვალუტა

  • 2.69
  • 3.17
  • 3.57
  • 0.05
  • 0.69
  • 1.58