საქართველოს თავდაცვის უწყებას უკრაინის საგარეო საქმეთა სამინისტროს დელეგაცია ესტუმრა

სამშაბათი, 09 აპრილი, 2013 - 12:17

საქართველოს თავდაცვის სამინისტროში დღეს მინისტრმა ირაკლი ალასანიამ უკრაინის საგარეო საქმეთა მინისტრის მოადგილე ვიქტორ მაიკო მიიღო.

შეხვედრაზე ირაკლი ალასანიამ აღნიშნა, რომ საქართველოს მთავრობის საგარეო პოლიტიკის ერთ-ერთი უმნიშვნელოვანესი პრიორიტეტი რეგიონის ქვეყნებთან გაღრმავებული თანამშრომლობაა. მინისტრმა ხაზგასმით აღნიშნა, რომ საქართველოსთვის მნიშვნელოვანია უკრაინასთან კეთილმეზობლური ურთიერთობა ჰქონდეს.

თავდაცვის მინისტრმა უკრაინის დელგაციის წევრებს საქართველოს თავდაცვის სფეროში მიმდინარე რეფორმები გააცნო. შეხვედრაზე საუბარი შეეხო ასევე, ორ ქვეყანას შორის თავდაცვის სფეროში თანამშრომლობის სხვადასხვა მიმართულებებს. ორმხრივი თანამშრომლობის ფარგლებში, ერთ-ერთი მნიშვნელოვანია ქართველი და უკრაინელი სამხედროების ერთობლივ წვრთნებში მონაწილეობა; ასევე, ქართველი ჯარისკაცებისთვის უკრაინის სამხედრო სასწავლებლებში კვალიფიკაციის ამაღლება.

შეხვედრაზე თავდაცვის მინისტრმა ყურადღება გაამახვილა უკრაინელი სამხედროების მომზადებაზე საჩხერის სამთო მომზადების სკოლაში. 2007 წლიდან 37 უკრაინელმა სამხედრომ უკვე გაიარა სხვადასხვა კურსი სამთო მომზადების სკოლაში.

საქართველოსა და უკრაინის თავდაცვის უწყებები ასევე, მჭიდროდ თანამშრომლობენ სამხედრო-ტექნიკურ სფეროში.

უკრაინის საგარეო საქმეთა დელეგაციის ვიზიტი საქართველოში ხვალ დასრულდება.

 

მსგავსი სიახლეები

სოციალური ქსელი

ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა ბატონო ირაკლი, თქვენ რომელი სახელმწიფოს პარლამენტის თავმჯდომარე ხართ? - ხათუნა ხოფერია კობახიძეს მიმართავს ქართველი ერი ტრაგედიების სიმბოლოდ იქცა... - მამა პეტრე კოლხი

გამოკითხვა

ვალუტა

  • 2.47
  • 3.03
  • 3.43
  • 0.04
  • 0.65
  • 1.45