ბიძინა ივანიშვილმა 9 აპრილს დაღუპულთა ხსოვნას პატივი მიაგო

სამშაბათი, 09 აპრილი, 2013 - 12:03

საქართველოს პრემიერ-მინისტრმა ბიძინა ივანიშვილმა 9 აპრილს დაღუპულთა ხსოვნას პატივი მიაგო და მემორიალი გვირგვინით შეამკო. დაღუპულ გმირთა მემორიალზე პრემიერ-მინისტრი მეუღლესთან და უმცროს შვილთან ერთად მივიდა.

1989 წლის 9 აპრილს, თბილისში საქართველოს ეროვნულ-განმათავისუფლებელი მოძრაობის მიერ ორგანიზებული მრავალდღიანი ანტისამთავრობო მშვიდობიანი აქცია საბჭოთა არმიამ  სასტიკად დაარბია.  სადამსჯელო ოპერაციის შედეგად დაიღუპა 21ადამიანი, დასახიჩრდა და მოიწამლა აქციის რამდენიმე ასეული მონაწილე. დაპატიმრებულ იქნენ აქციის ორგანიზატორები (მათ შორის, ზვიად გამსახურდია და მერაბ კოსტავა), თბილისში გამოცხადდა საკომენდანტო საათი.

თბილისში, პარლამენტის წინ, სადაც1989 წლის 9 აპრილის ტრაგედია დატრიალდა, გმირთა მემორიალი აღიმართა.

საქართველოს პირველმა პრეზიდენტმა ზვიად გამსახურდიამ გმირების პატივსაცემად, 1991 წლის 9 აპრილს საქართველოს დამოუკიდებლობა გამოაცხადა.

მსგავსი სიახლეები

სოციალური ქსელი

გამოკითხვა

ვალუტა

  • 2.73
  • 3.22
  • 3.61
  • 0.05
  • 0.7
  • 1.61