"ადვოკატირება საკანონმდებლო ცვლილებებისთვის" საგრანტო კონკურსი ცხადდება

შაბათი, 06 აპრილი, 2013 - 12:57

ფონდი ღია საზოგადოება საქართველოს ადამიანის უფლებებისა და კანონის უზენაესობის პროგრამა აცხადებს საგრანტო კონკურს „ადვოკატირება საკანონმდებლო ცვლილებებისთვის“, რომელშიც მონაწილეობის მიღება შეუძლიათ არასამთავრობო ორგანიზაციებს, არასამთავრობო ორგანიზაციათა გაერთიანებებს და საინიციატივო ჯგუფებს. კონკურსის მიზანია მხარი დაუჭიროს საქართველოს კანონმდებლობის დახვეწას და ევროპულ სტანდარტებთან დაახლოებას.

 ფონდი დააფინანსებს რამდენიმე საუკეთესო პროექტს, რომელიც მიმართული იქნება არსებულ კვლევებზე/გამოცდილებაზე დაფუძნებით კონკრეტული რეკომენდაციებისა და საკანონმდებლო ცვლილებების შემუშავებაზე და მათ ადვოკატირებაზე.

 ფონდი უპირატესობას მიანიჭებს პროექტებს, რომლებიც ითვალისწინებენ სისხლის სამართლის, შეკრებისა და გაერთიანების თავისუფლების, პირადი ცხოვრების ხელშეუხებლობის, ადმინისტრაციული სამართლის, ანტიკორუფციული სისტემის, ადმინისტრაციულ სამართალდარღვევათა და სხვა მნიშვნელოვანი სფეროების მარეგულირებელი კანონმდებლობის გაუმჯობესებას.

 კონკურსის პირობები:

- განმცხადებელმა პროექტი უნდა წარმოადგინოს ფონდი ღია საზოგადოება საქართველოს გრანტის სტანდარტული განაცხადის ფორმის მიხედვით. განაცხადის ფორმა შეგიძლიათ იხილოთ შემდეგ ელექტრონულ მისამართზე: http://www.osgf.ge/index.php?lang_id=GEO&sec_id=53

- პროექტს უნდა ერთვოდეს მონაწილეების: პროექტის დირექტორის, ჯგუფის მთავარი წევრების და ექსპერტების ავტობიოგრაფიები;

- განმცხადებელმა დეტალურად უნდა აღწეროს პროექტის განხორციელების გზები და ადვოკატირების სტრატეგია;

- განმცხადებელმა უნდა მიუთითოს კონკრეტული კვლევები და გამოცდილება, რომელსაც ეყრდნობა მისი ადვოკატირების პროექტი;

- პროექტს უნდა დაერთოს ამ სფეროში მომუშავე ექსპერტების ან ორგანიზაციების წარმომადგენლების ორი სარეკომენდაციო წერილი;

- განმცხადებელს უფლება აქვს ამ კონკურსში წარმოადგინოს მხოლოდ ერთი პროექტი;

- პროექტის წარმოდგენა ხდება სამ ეგზემპლარად;

 - განსახილველი საკონკურსო მასალის წარმოდგენა შეიძლება ფონდი ღია საზოგადოება საქართველოს ოფისში 13 მაისის ჩათვლით ყოველ დღე 16:00 საათამდე, მისამართზე: ქ. თბილისი, თ. ჭოველიძის (ყოფილი ბელინსკის) ქ. #10.

 საკონკურსო განაცხადის წარმოდგენის ბოლო ვადაა 13 მაისი, 16:00.

 პროექტის ბიუჯეტი არ უნდა აღემატებოდეს 35 000 ა.შ.შ. დოლარს.

კონკურსში მონაწილეობის მსურველთათვის ჩატარდება კონსულტაციები: 17 და 24 აპრილს, 1 და 8 მაისს, 15.00 საათზე ფონდის ოფისში.

მსგავსი სიახლეები

სოციალური ქსელი

გიჟია , ხალხო, რას აპიარებთ? - კობა დავითაშვილი აჰა, ქოცებო აკომენტირეთ ეს როგორც გინდათ - მიხეილ სააკაშვილი ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.47
  • 2.9
  • 3.31
  • 0.04
  • 0.53
  • 1.46