პატიმარ პაპუნა კვარაცხელიას მამამ თავის დაწვა სცადა

პარასკევი, 05 აპრილი, 2013 - 18:54

პატიმარ პაპუნა კვარაცხელიას მამამ თამაზ კვარაცხელიამ სასჯელაღსრულების სამინისტროს შენობის  წინ თავის მოკვლა სცადა. მან ბენზინი გადაისხა,  თუმცა ცეცხლის მოკიდების საშუალება ადგილზე მობილიზებულმა საპატრულო პოლიციის თანამშრომლებმა არ მისცეს.

თამაზ კვარაცხელია შვილის პატიმრობიდან გათავისუფლებას ითხოვს. როგორც ის აცხადებს, მის შვილს წამების შედეგად თავზე სიმსივნე განუვითარდა. ასევე დაზიანებული აქვს ხერხემალი და საგრძნობლად დააკლდა მხედველობა. 

მისივე თქმით,  თუ მის მძიმედ ავადმყოფ შვილს არ გაათავისუფლებენ და მას არ მისცემენ მკურნალობის საშუალებას, ჩანაფიქრს სისრულეში მაინც მოიყვანს და კანცელარიის წინ ყელს გამოიჭრის.

 თამაზ კვარაცხელია მომხდარზე პასუხისმგებლობას პირადად მინისტრს სოზარ სუბარს აკისრებს.

 

მსგავსი სიახლეები

სოციალური ქსელი

გამოკითხვა

ვალუტა

  • 2.71
  • 3.18
  • 3.58
  • 0.05
  • 0.68
  • 1.59