ოკუპირებული ცხინვალის დე-ფაქტო წარმომადგენლების მიერ დაკავებული 6 მოქალაქე განთავისუფლდა

პარასკევი, 05 აპრილი, 2013 - 13:51

შინაგან საქმეთა სამინისტრომ ოკუპირებული ცხინვალის რეგიონის დე-ფაქტო წარმომადგენლების მიერ დაკავებული მოქალაქეები გაათავისუფლა. როგორც უწყებაში განმარტავენ, შსს-ს ანალიტიკური დეპარტამენტისა და შიდა ქართლის სამხარეო მთავარი სამმართველოს მიერ, ოკუპირებული ცხინვალის რეგიონის დე–ფაქტო ხელისუფლების წარმომადგენლებთან ინტენსიური მოლაპარაკების შედეგად, უკანონოდ დაკავებული 6 მოქალაქე გათავისუფლდა.

რუსმა სამხედროებმა, ოკუპირებული ცხინვალის რეგიონის ე. წ. ადმინისტრაციული საზღვრის „უკანონო კვეთის“ ბრალდებით, დუშეთის რაიონის მცხოვრები მალხაზ ტიტველაშვილი და კასპის რაიონის სოფელ ლამისყანის მცხოვრები გივი ილურიძე 2012 წლის 19 სექტემბერს სოფელ ოძისის ტყეში დააკავეს. მიმდინარე წლის 9 მარტს, ოკუპაციის ხაზის მიმდებარე ტერიტორიაზე, დასახლება მაქსისუბანში მცხოვრები ვახტანგ ბალიაშვილი და დავით ვათიაშვილი ოსური მილიციის თანამშრომლებმა დააკავეს და ჯერ არცევში გადაიყვანეს, ხოლო შემდეგ ცხინვალის იზოლატორში მოათავსეს. სოფელ ტბეთში, საკუთარ ხეხილის ბაღში სასოფლო-სამეურნეო სამუშაოებისთვის მიმავალი, საჩხერის რაიონის სოფელ ორღულში მცხოვრები რამაზ ბახტურიძე და მისი მეუღლე მაია ბახტურიძე კი მიმდინარე წლის 30 მარტს ჯავის რაიონის სოფელ ქარძმანის ტერიტორიაზე დააკავეს.

 

მსგავსი სიახლეები

სოციალური ქსელი

არ მომწონს მიშას რევოლუციონერად რომ მოიხსენიებენ - ხათუნა ოჩიაური უბრალოდ, ბოლო მომენტში შეიცვალა რაღაც... - ირაკლი ტაბლიაშვილი სააკაშვილის გათავისუფლებაზე როცა 50-მილიონიანი ქვეყნის დედაქალაქი ზანზარებს შენი ქვეყნის პრეზიდენტის გათავისუფლების მოთხოვნით... - ირინა სარიშვილი ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე

გამოკითხვა

ვალუტა

  • 2.54
  • 3
  • 3.41
  • 0.04
  • 0.66
  • 1.5