შსს-მ ნარკოდანაშაულისთვის ორი პირი დააკავა

ოთხშაბათი, 03 აპრილი, 2013 - 23:49

შინაგან საქმეთა სამინისტროს ცენტრალური კრიმინალური პოლიციის დეპარტამენტის იმერეთის სამხარეო სამმართველოს თანამშრომლებმა ჩატარებული ოპერატიულ-სამძებრო ღონისძიებების შედეგად კარლო ც. და გიორგი კ. ნარკოდანაშაულისთვის დააკავეს.

სამართალდამცველებმა დამნაშავეები ქუთაისში, ჭავჭავაძის გამზირზე დააკავეს. მათი პირადი ჩხრეკისას 12 აბი „სუბოქსი" ამოიღეს. გამოძიებამ დაადგინა, რომ კარლო ც-ს და გიორგი კ-ს ნარკოტიკული საშუალება საბერძნეთიდან ამანათით, ტანსაცმელში დამალული გამოუგზავნეს.

დაკავებულები აღიარებენ ჩადენილ დანაშაულს.

გამოძიება სისხლის სამართლის კოდექსის 260-ე მუხლის მე-2 ნაწილით მიმდინარეობს. ჩადენილი დანაშაული 7-დან 14 წლამდე პატიმრობას ითვალისწინებს.

მსგავსი სიახლეები

სოციალური ქსელი

გამოკითხვა

ვალუტა

  • 2.71
  • 3.18
  • 3.58
  • 0.05
  • 0.68
  • 1.59