გამოფენა „საქართველო და ებრაელები“ ხვალ გაიმართება

ოთხშაბათი, 03 აპრილი, 2013 - 17:00

ქართულ-ებრაული კულტურის დღეების ფარგლებში,  საქართველოს კულტურისა და ძეგლთა დაცვის სამინისტროს მხარდაჭერით და საქართველოს თეატრის, კინოს, მუსიკისა და ქორეოგრაფიის სახელმწიფო მუზეუმის თანადგომით, 4 აპრილს 18:00 საათზე გაიმართება გამოფენა „საქართველო და ებრაელები“.

გამოფენა მიზნად ისახავს წარმოადგინოს ქართულ-ებრაული კულტურული ურთიერთობების მრავალსაუკუნოვანი ტრადიციები სასცენო ხელოვნების ყველა დარგში;(თეატრი, მუსიკა, კინო და ქორეოგრაფია).

გამოფენაზე წარმოდგენილი იქნება 100-ზე მეტი უნიკალური ექსპონატი.

უნიკალურ ექსპონატებში შესულია ცნობილი ქართველი მხატვრის პეტრე ოცხელის ნამუშევრები ებრაულ თემატიკაზე (სპექტაკლები: გერზელ ბააზოვი-„მუნჯები ალაპარაკდნენ“, ათან ზარხი - „ჯოი სტრიტი“. კარლ გუცკოვი „ურიელ აკოსტა“), ისრაელის ბიბლიური მეფის დავითის ფრესკისა და მინიატურების ასლები უძველესი ქართული ხელნაწერებიდან და ტაძრებიდან.

ექსპოზიციაში წარმოდგენილი იქნება ასევე ებრაელი ცნობილი მხატვრების ნამუშევრები ქართულ კინოსა და თეატრში ( ლეონ ბაქსტი, სერგეი ეიზენშტეინი, ბორის მესერერი, ირინა შტენბერგი, ვიქტორ შრეთერი), ე.წ მარქსების თეატრის უნიკალური ფოტოქრონიკა და სხვა.

გამოიფინება მუზეუმის კოლექციაში არსებული გამოჩენილი ებრაელი საზოგადო მოღვაწეების: მაია პლისეცკაიას, ჯოკომო მეიერბერის, სერგეი აიზენშტეინის და სხვათა პირადი ნივთები და მემორიალური ფოტოები.

გამოფენას გახსნის მუზეუმის დირექტორი გიორგი კალანდია, ღონისძიებას დაესწრება საქართველოს კულტურისა და ძეგლთა დაცვის მინისტრი გურამ ოდიშარია, მინისტრის მოადგილეები, მოწვეული სტუმრები და სამთავრობო სექტორი.

ღონისძიებაზე პიესის ნაწყვეტს „ვალი“ წაიკითხავს ქართველ-ებრაელი დრამატურგი და მწერალი გურამ ბათიაშვილი, დავით აჯიაშვილის პოეტური კრებულის პრეზენტაციას წარმართავს მწერალი და მთარგმნელი გივი შახნაზარი. ღონისძიებაზე ასევე დაგეგმილია რამდენიმე მუსიკალური ნომრის შესრულებაც.

4 აპრილს 20:00 საათზე, თბილისის მუსიკალური კომედიისა და დრამის თეატრში ქართულ-ებრაული კულტურის დღეებთან დაკავშირებით გაიმართება ებრაელი დრამატურგის ედნა მაზიას ნაწარმოების მიხედვით დადგმული სპექტაკლი „აკრძალული თამაშები“ (დამდგმელი რეჟისორი-მანანა ბერიკაშვილი).

 

მსგავსი სიახლეები

სოციალური ქსელი

სააკაშვილს სიამოვნებით გავაწნავდი სილას მხოლოდ იმიტომ, რომ მან ქართველების ლიდერობა ირჩია - სულა სულაშვილი იყავით უშიშარნი ვითარცა უხორცო!!! პირველ დარტყმას პირადად მე ავიღებ ჩემს თავზე!!! - სანდრო ბრეგაძე მიდით დაგვარბიეთ და რა ტურასაც დაიჭერთ, მერე ვნახოთ - რამაზ გაგნიძე ამერიკის საელჩოსა და მთავრობას შორის შეთანხმევაზე ავრცელებს ინფორმაციას რამდენი რამის თქმა მსურს იმ ადამიანების გასაგონად, ვისაც ერთხელ მაინც არ ჰქონია განცდა საკუთარი ცოდვისა... - პეტრე კოლხი ამ ქათმებს საერთოდ წარმოდგენა აქვთ, რას ნიშნავს კონსტიტუციური მონარქია - სულა სულაშვილი ივანიშვილის გარეშე დიდხანს ვერ დარჩებიან ხელისუფლებაში, მაგრამ ბევრის გაფუჭებას მოასწრებენ - მამუკა გამყრელიძე

გამოკითხვა

ვის ისურვებდით დედაქალაქის მერად

ვალუტა

  • 2.39
  • 2.79
  • 3.07
  • 0.04
  • 0.68
  • 1.4