თბილისის მოდის კვირეული 23-26 აპრილს გაიმართება

ოთხშაბათი, 03 აპრილი, 2013 - 14:55

თბილისის მოდის კვირეული  23-დან და  26 აპრილის ჩათვლით გაიმართება, - ამის შესახებ კვირეულის ორგანიზატორებმა   სასტუმრო "holiday inn"-ში დღეს გამართულ პრესკონფერენციაზე  განაცხადეს.

რიგით მე-8 თბილისის მოდის კვირეულზე შემოდგომა–ზათრის სეზონის კოლექციას  20–მდე დიზაინერი წარადგენს: საზღვარგარეთ მოღვაწე დიზაინერები რია ქებურია და გიორგი შაღაშვილი, ეკა ბალანჩივაძე, ქეთი ჩხიკვაძე, აკა ნანიტაშვილი, ატელიე 10ა, ატელიე კიკალა, ატელიე დალოოდი, ატელიე მატერია, ტატუნა ნიკოლაიშვილი და ავთანდილ ცქვიტინიძე. დიზაინერები სიმონ მაჩაბელი და თამარა კოპალიანი (პეპელა) პრეფომანსებით წარდგებიან მაყურებლის წინაშე. ასევე, თბილისის სამხატვრო აკადემიასთან თანამშრომლობით გაიმართება დამწყებ დიაზინერთა კონკურსი “New Comers Day".

თბილისის 4-დღიან მოდის კვირეულს უამრავი უცხოელი სტუმარი ეყოლება: ფრანგული სააგენტო „Paris Planet Fashion” დამფუძნებელი ფაროუკ ჩექოუფი, რომელიც თბილისის მოდის კვირეულის პარტნიორი და წარმომადგენელი გახდა ევროპაში, მოსკოვიდან „ბიურო 24/7“ მთავარი რედაქტორი, მილანელი ფეშენ აიქონ – ჯიანი ფონტანა, იტალიელი ფოტო ფეშენ ბლოგერი ჯანლუკა სენესე, აზერბაიჯანიდან ჟურნალების “L’Officiel” და “ნარგიზის” მთავარი რედაქტორები, თურქეთიდან ჟურნალი „OK”, სტამბულის და ხაზახეთის მოდის კვირეულის ორგანიზატორები. ასევე ბაერები და სფეროს წარმომადგენლები აზერბაიჯანიდან, ყაზახეთიდან და თურქეთიდან.

ამასთანავე, თბილისის მოდის კვირეულის ფარგლებში გაიმართება 3 უცხოელი დიზაინერის ჩვენება – აინურ ტურისბეკ, უკრაინიდან კსენია შნაიდერი და ამერიკელი მარკ ბაუერის წვეულება, რომელზეც მისი ბოლო კოლექციიდან რამდენიმე კოსტუმს ქართველი მოდელები წარმოადგენენ.

თბილისის მოდის კვირეულის წარმდგენია "აჭარაბეთი', გენერალური სპონსორი "კარტ ნუარი", ოფიციალური მასპინძელი სასტუმრო "holiday Inn",; პარტნიორები: "ჯორჯიან ინვესტი", სამოდელო სააგენტო "ჯეომოდელსი", "გაბუნია და პარტნიორები", "აითინოვეიშენს"; მხარდამჭერები: კულტურისა და ძეგლთა დაცვის სამინისტრო, თბილისის მერია და თბილისის სამხატვრო აკადემია.

მსგავსი სიახლეები

სოციალური ქსელი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.69
  • 3.11
  • 3.55
  • 0.04
  • 0.46
  • 1.58