პრობაციონერთა დასაქმების პროგრამა 1 მაისიდან დაიწყება

სამშაბათი, 02 აპრილი, 2013 - 17:57

გურიის პრობაციის ბიუროს უფროსმა იოსებ წიკლაურმა და საზოგადოებრივი ორგანიზაცია „გურიის ახალგაზრდული რესურსცენტრის“ ხელმძღვანელმა თამარ ღლონტმა ოზურგეთში დღეს გამართულ პრესკონფერენციაზე პრობაციონერთა დასაქმების საკითხებზე ისაუბრეს, რომელიც 1 მაისიდან „გურიის ახალგაზრდულ რესურსცენტრში“ დაიწყება.

დასაქმების პროგრამა მოიცავს ერთთვიან სასწავლო კურსს პროფესიული უნარ-ჩვევების განვითარების საკითხებზე, აგრეთვე სტაჟირებას და უშუალო დასაქმებას სხვადასხვა დაწესებულებებში; მცირე ბიზნესის მხარდაჭერის პროგრამა კი ითვალისწინებს მცირე ბიზნესის მართვის ორთვიან კურსს და მიკრო-გრანტების პროგრამას ბიზნესის დაწყების მსურველი პრობაციონერებისთვის.

თითოეული პროგრამა გათვლილია 30 პირობით მსჯავრდებულზე. მასში მონაწილეობასთან დაკავშირებული ყველა ხარჯი, მათ შორის სასწავლო მასალების და ტრანსპორტირების, პროგრამის მიერ იფარება.

პროგრამაში მონაწილეობის მსურველმა პრობაციონერებმა 4 აპრილიდან 20 აპრილამდე რეგისტრაცია უნდა გაიარონ გურიის პრობაციის ბიუროში ან „გურიის ახალგაზრდულ რესურსცენტრში“.

 

 

მსგავსი სიახლეები

სოციალური ქსელი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.69
  • 3.11
  • 3.55
  • 0.04
  • 0.46
  • 1.58