თბილისის მერი გიგი უგულავა უკრაინის რესპუბლიკის ნიკოლაევის ოლქის დელეგაციას შეხვდა

სამშაბათი, 02 აპრილი, 2013 - 17:46

თბილისში ოფიციალური ვიზიტით უკრაინის რესპუბლიკის ნიკოლაევის ოლქის დელეგაცია იმყოფება. მათი სტუმრობის მთავარი მიზანია გაეცნონ საქართველოში განხორციელებულ და მიმდინარე სოციალურ-ეკონომიკურ და ინსტიტუციურ რეფორმებს და გაიზიარონ თბილისის გამოცდილება მუნიციპალურ სერვისებთან დაკავშირებით.

დელეგაციის წევრები, რომელთაც ნიკოლაევის ოლქის საბჭოს თავმჯდომარე იგორ დიატლოვი ხელმძღვანელობს, დღეს თბილისის მერს გიგი უგულავას და მერიის სხვადასხვა სამსახურის ხელმძღვანელებს შეხვდნენ. დელეგაციის შემადგენლობაში ნიკოლაევის ოლქში შემავალი ქალაქ იუჟნოუკრაინსკის მერი, ნიკოლაევის ოლქის საბჭოს დეპუტატები და ოლქში მოღვაწე ბიზნესმენები შედიან.შეხვედრაზე მხარეებმა თბილისის მერიის პროექტებზე, ორ ქალაქს შორის არსებულ ურთიერთობებსა და თანამშრომლობის გაღრმავების შესაძლებლობებზე ისაუბრეს.

მსგავსი სიახლეები

სოციალური ქსელი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.69
  • 3.11
  • 3.55
  • 0.04
  • 0.46
  • 1.58