ირაკლი ალადაშვილი ლაფანყურის სპეცოპერაციის გამოსაძიებლად საპარლამენტო კომისიის შექმნას ითხოვს

სამშაბათი, 02 აპრილი, 2013 - 16:19

სამხედრო ჟურნალისტის და ჟურნალ „არსენალის“ რედაქტორის ირაკლი ალადაშვილის განცხადებით, სახალხო დამცველის ანგარიში პროკურატურის ყურადღებას იმსახურებს. ექსპერტი მიიჩნევს, რომ ამ ინციდენტიდან გასული პერიოდი  საკმარისი უნდა ყოფილიყო გამოძიებისა და კონკრეტული დასკვნებისთვის. ამის შესახებ ალადაშვილმა განცხადება "პრაიმტაიმის" პრესკლუბში დღევანდელ პრესკონფერენციაზე გააკეთა.

"სახალხო დამცველმა საკმაოდ თამამი განცხადებები და მოსაზრებები გააკეთა. ამ სპეცოპერაციამ ძალიან ბევრი კითხვები გააჩინა, რომელსაც ჯერ პასუხები არ აქვს და საინტერესოა საგამოძიებო ორგანოების და პროკურატურის დასკვნა. ასევე, საინტერესოა, რა საფრთხეების წინაშე იდგა მაშინ საქართველო. ამიტომაც ლაფანყურის სპეცოპერაციის გამოსაძიებლად საპარლამენტო კომისიაც უნდა შეიქმნას", - განაცხადა ალადაშვილმა.

შეგახსენებთ, რომ ომბუდსმენმა უჩა ნანუაშვილმა გუშინ, 2012 წლის ანგარიში წარადგინა, სადაც ლაფანყურის სპეცოპერაციის თემაზეცაა საუბარი.

 

მსგავსი სიახლეები

სოციალური ქსელი

გამოკითხვა

ვალუტა

  • 2.7
  • 3.18
  • 3.57
  • 0.05
  • 0.7
  • 1.59