ირაკლი ღარიბაშვილი ომბუდსმენს მოუწოდებს, რეალურად შეაფასოს მოვლენები

სამშაბათი, 02 აპრილი, 2013 - 15:44

შინაგან საქმეთა მინისტრმა ირაკლი ღარიბაშვილმა, სახალხო დამცველის უჩა ნანუაშვილის წარდგენილ ანგარიშზე კომენტარი გააკეთა. მისი თქმით,  ომბუდსმენის მონაცემებისგან განსხვავებით,  დროებით დაკავებით იზოლატორში ადამიანის უფლებათა დარღვევის ფაქტებმა იკლო.

„ადამიანის უფლების დარღვევის ფაქტმა რეალურად იკლო საქართველოში, ჩვენ კარგად გვახსოვს, რა ხდებოდა გასული წლების განმავლობაში, როგორ ხდებოდა ადამიანის უფლებების დარღვევა, რა ხდებოდა კაპეზეებში. დღეს  ვერც ერთ ფაქტს ვერ დამისახელებენ, რომ დროებითი დაკავების იზოლატორში ადგილი ჰქონოდა ადამიანის უფლებათა შელახვას. ეს არის რეალური შედეგი, რასაც ჩვენ მივაღწიეთ. ამის აღიარება რა თქმა უნდა არ სურს ბევრს და არ ახარებს, სწორედ აქედან გამომდინარე არის ჭორების გავრცელების ტრადიციული მეთოდი“, - განაცხადა ღარიბაშვილმა.

შეგახსენებთ, რომ ომბუდსმენმა უჩა ნანუაშვილმა გუშინ, 2012 წლის ანგარიში წარადგინა, სადაც რამდენიმე თემაზეა საუბარი.

 

მსგავსი სიახლეები

სოციალური ქსელი

გამოკითხვა

ვალუტა

  • 2.71
  • 3.18
  • 3.58
  • 0.05
  • 0.68
  • 1.59