ნაციონალური მოძრაობის გადაწყვეტილების გამო კანონი დაირღვა - ზაზა გაბუნია

ორშაბათი, 01 აპრილი, 2013 - 17:15

თბილისის საკრებულოს ფრაქცია "ნაციონალური მოძრაობის" გადაწყვეტილებით, საკრებულოს სხდომის მონიტორინგის მიზნით მოსულ სამართლიანი არჩევნების წარმომადგენელს, ლია ნოღაშვილს საკრებულოში შემოსვლა აუკრძალეს, ამის შესახებ თბილისის საკრებულოს ფრაქცია ქართული ოცნება - დემოკრატიული საქართველოს თავმჯდომარემ, ზაზა გაბუნიამ განაცხადა.

გაბუნიას თქმით, მას დაუბლოკეს საშვი და მისი საკრებულოს სხდომაზე დასწრება მხოლოდ მათი უშუალო ჩარევის შემდეგ გახდა შესაძლებელი. 

"აღნიშნული ქმედება ეწინააღმდეგება და არღვევს საქართველოს ორგანული კანონის "თვითმმართველობის შესახებ" და საკრებულოს რეგლამენტის შესაბამის მოთხოვნებს, რომლითაც საკრებულო ვალდებულია უზრუნველყოს ყველა წინაპირობის შექმნა სხდომების ღიაობის და მისი კონტროლის გამჭვირვალობისათვის", - განაცხადა ზაზა გაბუნია წინა კვირაში საკრებულოს სხდომის ირგვლივ და სხდომაზე დაფიქსირებული კანონდარღვევების სესახებ გამართულ  პრესკონფერენციაზე.

გაბუნიას განცხადებით, დაირღვა საქართველოს ორგანული კანონი "ადგილობრივი თვითმმართველობების შესახებ" და საკრებულოს რეგლამენტი, რომლის იმპერატიული მოთხოვნაა უზრუნველყოფილი იყოს სხდომების საჯაროობა და კონტროლის გამჭვირვალობისთვის ყველა წინაპირობის შექმნა.

მისივე თქმით, ამ ქმედებით ხელი შეეშალა სამართლიანი არჩევნების მონიტორინგის პროცესსაც. დეპუტატის თქმით, საკრებულოს სხდომაზე, ფრაქცია "ნაციონალური მოძრაობის" ერთ-ერთმა წევრმა დაარღვია ადგილობრივი თვითმმართველობის შესახებ საქართველოს კანონი 26-ე მუხლის მე-3 პუნქტი, რომელიც კენჭისყრის დროს სხვის ნაცვლად ხმის მიცემას კრძალავს.

ფრაქციის თავმჯდომარე მიიჩნევს, რომ უნდა გამოიძიონ, რომელი კენჭისყრების დროს განხორციელდა აღნიშნული ქმედება და შესაბამისად იმ კენჭისყრების შედეგები გაუქმებულად  ჩაითვალოს.

გაბუნია თვლის, რომ მსგავსი რამ არ განმეორდეს, საჭიროა არასამთავრობო ორგანიზაციების დასწრება სხდომებზე. ამ საკითხის დაუყოვნებლივ მოგვარებისთვის გაბუნია საკრებულოს თავმჯდომარეს მიმართავს.

მსგავსი სიახლეები

სოციალური ქსელი

იყავით უშიშარნი ვითარცა უხორცო!!! პირველ დარტყმას პირადად მე ავიღებ ჩემს თავზე!!! - სანდრო ბრეგაძე მიდით დაგვარბიეთ და რა ტურასაც დაიჭერთ, მერე ვნახოთ - რამაზ გაგნიძე ამერიკის საელჩოსა და მთავრობას შორის შეთანხმევაზე ავრცელებს ინფორმაციას რამდენი რამის თქმა მსურს იმ ადამიანების გასაგონად, ვისაც ერთხელ მაინც არ ჰქონია განცდა საკუთარი ცოდვისა... - პეტრე კოლხი ამ ქათმებს საერთოდ წარმოდგენა აქვთ, რას ნიშნავს კონსტიტუციური მონარქია - სულა სულაშვილი ივანიშვილის გარეშე დიდხანს ვერ დარჩებიან ხელისუფლებაში, მაგრამ ბევრის გაფუჭებას მოასწრებენ - მამუკა გამყრელიძე საჯაროდ გპირდები, ძალიან მალე ეს ქვეყანა შენგან გათავისუფლდება!!!! - ელისო კილაძე

გამოკითხვა

ვის ისურვებდით დედაქალაქის მერად

ვალუტა

  • 2.4
  • 2.79
  • 3.13
  • 0.04
  • 0.67
  • 1.41