ქრთამის შეთავაზების ფაქტზე სადახლოს საბაჟო გამშვებ პუნქტზე სომხეთის მოქალაქე დააკავეს

ორშაბათი, 01 აპრილი, 2013 - 15:59

სადახლოს საბაჟო გამშვებ პუნქტზე, შემოსავლების სამსახურის საბაჟო დეპარტამენტის უფროს ოფიცერს სომხეთის მოქალაქემ ქრთამის სახით 1000-1500 რუსული რუბლი შესთავაზა. - ამის შესახებ „ჯეონიუსს" შემოსავლების სამსახურიდან აცნობეს.

უწყების ინფორმაციით, სომხეთის მოქალაქემ დეკლარაციაში ერთი ცალი ოქროს სამაჯური და ერთი წყვილი საყურე დაადეკლარირა, ხოლო რეალურად მას ჩანთაში არადეკლარირებული, ოქროს სამეული, კერძოდ 1 ბეჭედი და 1 წყვილი თვლებით გაწყობილი საყურე აღმოაჩნდა.

„სადახლოს საბაჟო გამშვებ პუნქტზე, შემოსავლების სამსახურის საბაჟო დეპარტამენტის უფროსს ოფიცერს თ.ქ.-ს სომხეთის მოქალაქე ა.ა.-მ ქრთამის სახით 1000-1500 რუსული რუბლი შესთავაზა. კერძოდ, 31 მარტს, სომხეთიდან საქართველოში შემოსულმა სომხეთის მოქალაქემ ზეპირი დეკლარირებისას 1 ცალი ოქროს სამაჯური და 1 წყვილი საყურე დაადეკლარირა, ხელჩანთის დათვალიერებისას კი მას არადეკლარირებული, სავარაუდოდ ოქროს სამეული, კერძოდ 1 ბეჭედი და 1 წყვილი თვლებით გაწყობილი საყურე აღმოაჩნდა, რის შემდეგაც მოქალაქემ ფაქტის დაფარვის მიზნით, ოფიცერს ქრთამის სახით, ფული შესთავაზა“ - აცხადებენ შემოსავლების სამსახურში.

ასევე, როგორც უწყებაში განმარტავენ, საქმის მასალები შემდგომი რეაგირების მიზნით, კრიმინალურ პოლიციას გადაეგზავნა. სომხეთის მოქალაქე ამჟამად დაკავებულია.

მსგავსი სიახლეები

სოციალური ქსელი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.62
  • 3.09
  • 3.44
  • 0.04
  • 0.42
  • 1.55