მწერალთა კავშირს საჯარო ინფორმაციაზე უარის თქმისთვის სასამართლოში უჩივიან

ორშაბათი, 01 აპრილი, 2013 - 14:11

ჟურნალ ,,art info საქართველოს“ მთავარი რედაქტორი ლექსო დორეული და მწერალი ოთარ ჯირკვალიშვილი საქართველოს მწერალთა კავშირს სასამართლოში უჩივიან. როგორც „ჯეონიუსს“ მათ განუცხადეს, საქართველოს მწერალთა კავშირის თავმჯდომარეს მაყვალა გონაშვილსა და ქალაქ თბილისის მერიას მიმართეს მათგან საჯარო ინფორმაციის გამოთხოვნის თხოვნით, რაზეც მერიისაგან განსხვავებით, მწერალთა კავშირმა უარი ოფიციალურად განაცხადა.

როგორც ლექსო დორეული აცხადებს, ინფორმაცია ეხება მწერალთა კავშირის მიერ მერიის დაფინანსებით ჩატარებულ პროექტებს (ახალგაზრდა პოეტთა კონკურსებს), რომელთა მიმართაც არსებობს გონივრული ეჭვი მნიშვნელოვანი დარღვევების (მათ შორის ფინანსური) შესახებ.

ოთარ ჯირკვალიშვილი და ლექსო დორეული აცხადებენ, რომ ბოლომდე იბრძოლებენ საკუთარი კონსტიტუციური უფლებების დასაცავად და საჯაროს გახდიან მწერალთა კავშირის მიერ განხორციელებული პროექტების საეჭვო ხარჯთაღრიცხვას.

,,ჩვენი ეჭვი, რომ მწერალთა კავშირი კორუფციის ბუდედ არის ქცეული, კიდევ უფრო დაადასტურა იმ ფაქტმა, რომ მათ ჩვენი ადვოკატის მურთაზ კლდიაშვილის ოფიციალურ მოთხოვნაზე - გადმოეცათ ჩვენთვის მათ მიერ განხორციელებული პროექტების ხარჯთაღრიცხვა - უარი განაცხადეს. ქალბატონი მაყვალა მოითხოვს ჩვენგან ჟურნალისტური გამოძიების ქონის უფლების დასაბუთებას, რაც აბსურდულია. ამიტომ ჩვენ ყველაფერს გავაკეთებთ იმისთვის, რომ საზოგადოებისთვის კავშირის ბნელი პოლიტიკა ცხადი გახდეს“, - აცხადებენ ლექსო დორეული და ოთარ ჯირკვალიშვილი.

ლექსო დორეული და ოთარ ჯირკვალიშვილი სასამართლოს ამ კვირაში მიმართავენ.

 

მსგავსი სიახლეები

სოციალური ქსელი

ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა ბატონო ირაკლი, თქვენ რომელი სახელმწიფოს პარლამენტის თავმჯდომარე ხართ? - ხათუნა ხოფერია კობახიძეს მიმართავს ქართველი ერი ტრაგედიების სიმბოლოდ იქცა... - მამა პეტრე კოლხი

გამოკითხვა

ვალუტა

  • 2.46
  • 3.08
  • 3.47
  • 0.04
  • 0.66
  • 1.45