“Agile Spirit 2013”-ის საჩვენებელ სწავლებას თავდაცვის მინისტრი დაესწრო

პარასკევი, 29 მარტი, 2013 - 18:08

ვაზიანის სამხედრო პოლიგონზე ქართულ-ამერიკული სწავლება Agile Spirit 2013”-ის საჩვენებელი წვრთნა გაიმართა. სწავლებაში მონაწილე ქართულმა და ამერიკულმა ქვედანაყოფებმა ჩხრეკა-კორდონის ოპერაცია ჩაატარეს.

საჩვენებელი სწავლების დასკვნით ნაწილში კი ოპერაციის დროს პირობითად დაშავებულის ვერტმფრენით ევაკუაცია განხორციელდა.

შემაჯამებელ წვრთნას საქართველოს თავდაცვის მინისტრი ირაკლი ალასანია პირადად დაესწრო.

"ამ წვრთნებს ძალიან დიდი მნიშვნელობა აქვს. ამერიკელ საზღვაო ქვეითებთან ერთად ეს კიდევ ერთი წარმატებულად განხორციელებული ერთობლივი წვრთნებია. ძირითადად საქმე გვქონდა ბატალიონის დონის ამოცანების გადაწყვეტაზე. მნიშვნელოვანი და გამორჩეულია იმითაც, რომ ამერიკელებთან ერთად ამ ოპერაციების წარმოების ერთობლივი შტაბი იყო ჩამოყალიბებული.

ასევე, ჩვენმა ოფიცრებმა, ბატალიონის ხელმძღვანელებმა ერთობლივი ძალისხმევით საბრძოლო ამოცანების გადაწყვეტის დამატებითი გამოცდილება შეიძინეს . მნიშვნელოვანია ისიც, რომ ჩვენი ტექნიკა იყო ჩართული, მათ შორის ჯავშანტექნიკა, რომლის გამოცდაც მიმდინარეობს და საბოლოოდ, ამ გამოცდის შემდეგ კონკრეტული დასკვნებიც გვექნება, თუ როგორ გავაგრძელებთ თავდაცვის ეროვნული მრეწველობის ამ პროგრამას.მომავალში იგეგმება კიდევ უფრო ფართო, ბრიგადის დონის წვრთნები, სადაც შესაძლებელი იქნება რეგიონის ჩვენი სხვა პარტნიორი ქვეყნებიც ჩაერთონ. ამ საკითხის განხილვა მიმდინარეობს და მომავალ წელს ჩავატარებთ უფრო ფართომასშტაბიან წვრთნებს.“ - განაცხადა ირაკლი ალასანიამ.

ვაზიანის სამხედრო პოლიგონზე დღეს საქართველოში აკრედიტებული უცხო ქვეყნების სამხედრო ატაშეები და საქართველოს პარლამენტის წევრებიც იმყოფებოდნენ.

მსგავსი სიახლეები

სოციალური ქსელი

როცა ბოროტი რეჟიმი ინგრევა, კაცი ამ ბოროტებას სწორედ მაშინ არ უნდა წაეშველოს. თან, მთელი 20 000 ლარით - ირმა ინაშვილი მამუკა ბახტაძეზე ძალიან სამარცხვინოა - მერაბ მეტრეველი პრემიერ-მინისტრობის კანდიდატზე ბიძინას ტვინის ვისაც გჯერათ, მერე მელაპარაკეთ, სასიძოს პრემიერად რომ წარადგენს - ნიკა გვარამია არ მგონია მასზე ხელის შეწმენდა სამართლიანი იყოს - კობა დავითაშვილი პრემიერ-მინისტრის გადადგომაზე მთავრობის გადადგომას რა ლეგიტიმაციით ითხოვთ თქვე ,,გოუცრელი ჭადით გაზრდილებო"?! - ჯაბა ხუბუა ეშმაკთან რომ პირი შეკარი შენ, "ქართულო ოცნებავ", ეს ღუპავს ქვეყანას - ირმა ინაშვილი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.46
  • 2.85
  • 3.27
  • 0.04
  • 0.52
  • 1.45