ჯაშუშობაში ბრალდებულ ფოტოგრაფებს ნასამართლეობა მოეხსნათ

ხუთშაბათი, 28 მარტი, 2013 - 18:59

პრობაციის ეროვნული სააგენტოს პირობითი მსჯავრის გაუქმებისა და ნასამართლეობის მოხსნის საკითხთა განმხილველი მუდმივმოქმედი კომიისიის გადაწყვეტილებით, დღეს  პირობითი მსჯავრი ვადამდე ადრე გაუუქმდათ და ნასამართლეობა მოეხსნათ ე.წ. „ფოტოგრაფების საქმეზე“ მსჯავრდებულ გიორგი აბდალაძეს, ირაკლი გედენიძეს და ზურაბ ქურციკიძეს.

თბილისის საქალაქო სასამართლოს განჩინებით, ამნისტიის კანონის საფუძველზე, მსჯავრდებულებს გიორგი აბდალაძეს, ირაკლი გედენიძეს და ზურაბ ქურციკიძეს 1/4-ით შეუმცირდათ დანიშნული სასჯელი, რის შემდეგაც თბილისის პრობაციის ბიუროს უფროსმა შუამდგომლობით მიმართა მუდმივმოქმედ კომისიას პირობითი მსჯავრის ვადამდე გაუქმების და ნასამართლეობის მოხსნის თაობაზე.

კომისიამ აღნიშნულ საკითხზე მიიღო დადებითი გადაწყვეტილება.

კომისიის გადაწყვეტილება სასჯელაღსრულების, პრობაციისა და იურიდიული დახმარების საკითხთა მინისტრმა სოზარ სუბარმა პირადად აცნობა საზოგადოებას სპეციალურად გამართულ ბრიფინგზე, რომელსაც წინა ხელისუფლების მიერ ჯაშუშობის ორგანიზებაში ბრალდებული ფოტოგრაფებიც ესწრებოდნენ.

"დანაშაულებები, რომელიც ჩადენილ იქნა სააკაშვილის მიერ, კიდევ დიდხანს იქნება გამოსასწორებელი და კიდევ დიდხანს გაგვყვება ქვეყნის სირცხვილად და ტკივილად. ერთ-ერთი ასეთი სირცხილი არის ე.წ. ფოტოგრაფების საქმე. წინა ხელისულებას უნდოდა არა მარტო ისინი, არამედ ის ორგანიზაციები, სადაც ისინი მუშაობდნენ წარმოედგინათ, როგორც ჯაშუშური ორგანიზაციები. რომ არა საზოგადოებისა და ჟურნალისტების აქტივობა ესენი 1 ოქტომბრამდე იჯდებოდნენ ციხეებში", - განაცხადა სოზარ სუბარმა.

ირაკლი გედენიძემ, გიორგი აბდალაძემ და ზურაბ ქურციკიძემ საზოგადოებას მადლობა გადაუხადეს თანადგომისთვის და ისიც აღნიშნეს, რომ ნასამართლეობა მათ პროფესიულ საქმიანობაში უშლიდათ ხელს, რადგან საჯარო სამსახურებში აკრედიტაციების პრობლემა ექმნებოდათ.

 

მსგავსი სიახლეები

სოციალური ქსელი

იყავით უშიშარნი ვითარცა უხორცო!!! პირველ დარტყმას პირადად მე ავიღებ ჩემს თავზე!!! - სანდრო ბრეგაძე მიდით დაგვარბიეთ და რა ტურასაც დაიჭერთ, მერე ვნახოთ - რამაზ გაგნიძე ამერიკის საელჩოსა და მთავრობას შორის შეთანხმევაზე ავრცელებს ინფორმაციას რამდენი რამის თქმა მსურს იმ ადამიანების გასაგონად, ვისაც ერთხელ მაინც არ ჰქონია განცდა საკუთარი ცოდვისა... - პეტრე კოლხი ამ ქათმებს საერთოდ წარმოდგენა აქვთ, რას ნიშნავს კონსტიტუციური მონარქია - სულა სულაშვილი ივანიშვილის გარეშე დიდხანს ვერ დარჩებიან ხელისუფლებაში, მაგრამ ბევრის გაფუჭებას მოასწრებენ - მამუკა გამყრელიძე საჯაროდ გპირდები, ძალიან მალე ეს ქვეყანა შენგან გათავისუფლდება!!!! - ელისო კილაძე

გამოკითხვა

ვის ისურვებდით დედაქალაქის მერად

ვალუტა

  • 2.4
  • 2.79
  • 3.13
  • 0.04
  • 0.67
  • 1.41