შუალედურ არჩევნებში ნაძალადევის რაიონის მაჟორიტარობის კანდიდატი კახა კუკავა იქნება

ხუთშაბათი, 28 მარტი, 2013 - 11:39

"თავისუფალი საქართველოს" ნაძალადევის რაიონის მაჟორიტარი დეპუტატობის კანდიდატი 27 აპრილის შუალედურ არჩევნებში პარტიის თავმჯდომარე, კახა კუკავა იქნება.

კანდიდატურა დიმიტრი ლორთქიფანიძემ დღეს ოფიციალურად წარადგინა.

"27 აპრილის შუალედურ არჩევნებში მონაწილეობით ჩვენ ხაზს ვუსვამთ საკანონმდელო ორგანოში განსხვავებული ხედვის, იდეოლოგიისა და ღირებულების მატარებელი პოლიტიკური ძალის არსებობის აუცილებლობას. თბილისის ნაძალადევის საარჩევნო მაჟორიტარულ ოლქში წარმოგიდგენთ პარტია "თავისუფალი საქართველოს" თავმჯდომარის, კახა კუკავას, კანდიდატურას. ბატონი კახა საზოგადოებისთვის კარგად არის ცნობილი, პროფესიით იურისტია, სხვადასხვა დროს წარმოადგენდა საქართველოს იუსტიციის საბჭოს, მე-6 მოწვევის საქართველოს პარლამენტის დამოუკიდებელ ფრაქციას, საერთაშორისო საპარლამენტო დელეგაციებს. მას დაუგროვდა მნიშვნელოვანი პოლიტიკური გამოცდილება. მართოს პოლიტიკური პროცესი, იტვირთოს მაკონტროლებელი ფუნქცია, წარმოადგინოს საქართველოს თითოეული მოქალაქის ინტერესი საპარლამენტო ტრიბუნიდან და მტკიცედ და შეურყევლად დაიცვას ის",- განაცხადა დიმიტრი ლორთქიფანიძემ.

შეგახსენებთ 27 აპრილს შუალედური არჩევნები საქართველოს სამ საარჩევნო ოლქში, სამტრედიის, ბაღდათის და ნაძალადევის რაიონში გაიმართება.

 

მსგავსი სიახლეები

სოციალური ქსელი

როცა ბოროტი რეჟიმი ინგრევა, კაცი ამ ბოროტებას სწორედ მაშინ არ უნდა წაეშველოს. თან, მთელი 20 000 ლარით - ირმა ინაშვილი მამუკა ბახტაძეზე ძალიან სამარცხვინოა - მერაბ მეტრეველი პრემიერ-მინისტრობის კანდიდატზე ბიძინას ტვინის ვისაც გჯერათ, მერე მელაპარაკეთ, სასიძოს პრემიერად რომ წარადგენს - ნიკა გვარამია არ მგონია მასზე ხელის შეწმენდა სამართლიანი იყოს - კობა დავითაშვილი პრემიერ-მინისტრის გადადგომაზე მთავრობის გადადგომას რა ლეგიტიმაციით ითხოვთ თქვე ,,გოუცრელი ჭადით გაზრდილებო"?! - ჯაბა ხუბუა ეშმაკთან რომ პირი შეკარი შენ, "ქართულო ოცნებავ", ეს ღუპავს ქვეყანას - ირმა ინაშვილი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.46
  • 2.85
  • 3.27
  • 0.04
  • 0.52
  • 1.45