თავდაცვის ატაშეები ვაზიანის ბაზას სტუმრობდნენ

ოთხშაბათი, 27 მარტი, 2013 - 16:30

საქართველოში აკრედიტებული უცხო ქვეყნების თავდაცვის ატაშეები დღეს  ვაზიანში IV ქვეითი ბრიგადის ბაზაზე იმყოფებოდნენ. ჯგუფს გერმანიის თავდაცვის ატაშე, ვიცე-პოლკოვნიკი მაიკლ ფრიკე ხელმძღვანელობდა.

შეხვედრა გაცნობითი ხასიათის იყო. ბრიგადის მეთაურმა, პოლკოვნიკმა ზაზა ლელაძემ სტუმრებს IV ქვეითი ბრიგადის ბაზის შესახებ პრეზენტაცია წარუდგინა. მან ატაშეების შეკითხვებსაც უპასუხა.

ვაზიანში უცხოელმა სტუმრებმა ბრიგადის შტაბი, ყაზარმები, სპორტული დარბაზი, სიმულაციის ცენტრები და საკონფერენციო დარბაზი დაათვალიერეს. თავდაცვის ატაშეებმა ქართულ სამხედრო ქვედანაყოფში ვიზიტი გამჭვირვალობის მისაღწევად წინგადადგმულ ნაბიჯად შეაფასეს. სამხედრო ატაშეებმა იმედი გამოთქვეს, რომ მსგავსი შეხვედრები საქართველოს შეიარაღებული ძალების სამხედრო ბაზებზე რეგულარულ სახეს მიიღებს.

„ძალიან მნიშვნელოვანია, რომ თავდაცვის სამინისტროსთან ღია და მჭიდრო ურთიერთობა გვაქვს. ასეთი ურთიერთობები მართლაც სასარგებლოა. წლის ბოლომდე ბევრი მსგავსი ვიზიტი იგეგმება. ჩვენ ამას მივესალმებით“ - აღნიშნა გერმანიის თავდაცვის ატაშემ, ვიცე-პოლკოვნიკმა მაიკლ ფრიკემ.

 

მსგავსი სიახლეები

სოციალური ქსელი

ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე იმედია, არ დადასტურდება არაოფიციალური ინფორმაცია - ნანუკა ჟორჟოლიანი მთავრობას მიმართავს გაიღვიძეთ რა!!! რამ დაგადუმად, რამ დაგაგლახავად ასე! იმოქმედეთ რა!!! - გია მაისაშვილი მაშინ როდესაც ბარბარეს სიცოცხლე ქვევრში ჩაკალით?! აბა, გაბედეთ და იმ ქვევრს ახადეთ თავსახური... - სულა სულაშვილი

გამოკითხვა

ვალუტა

  • 2.67
  • 3.15
  • 3.57
  • 0.05
  • 0.7
  • 1.57