ბიძინა ივანიშვილმა მაჟორიტარი კანდიდატები ოფიციალურად წარადგინა

ოთხშაბათი, 27 მარტი, 2013 - 12:30

საქართველოს პრემიერ-მინისტრმა ბიძინა ივანიშვილმა "ქართული ოცნების" მაჟორიტარი კანდიდატები დაასახელა. კანდიდატების წარდგენა "ქართული ოცნების" ცენტრალურ ოფისში მოხდა.

 პრემიერმა შუალედურ არჩევნებში ნაძალადევის მაჟორიტარობის კანდიდატად იურისტი თამარ კორძაია, ბაღდათში ადვოკატი პაატა კიკნაველიძე, ხოლო სამტრედიაში ასევე იურისტი გიორგი კახიანი წარადგინა.

 "იურისტი თამარ კორძაია ამჟამად საქართველოს ჟურნალისტური ქარტიის აღმასრულებელი დირექტორია, აქვს არასამთავრობო ორგანიზაციებში მრავალწლიანი გამოცდილება.

ბაღდათის მაჟორიტარობის კანდიდატს პაატა კიკნაველიძეს წარჩინებით აქვს დამთავრებული თბილისის სახელმწიფო უნივერსიტეტის იურიდიული ფაკულტეტი, არის გამოცდილი იურისტი და დიდი პრაქტიკა აქვს საერთაშორისო სასამართლოს არბიტრაჟის კუთხით. ის ბაღდათელია, კარგად იცნობს ამ რაიონს და მისი ყველა პრობლემა კარგად იცის.

გიორგი კახიანიც იურისტია, არის თბილისის სახელმწიფო უნივერსიტეტის ასოცირებული პროფესორი, აქვს სამართლის დოქტორის აკადემიური ხარისხი და უზენაეს და საკონსტიტუციო სასამართლოებში მუშაობის გამოცდილება. ბოლო წლებში ეწევა სამეცნიერო და აკადემიურ საქმიანობას, არის სხვადასხვა სამეცნიერო პუბლიკაციების ავტორი. გიორგი კახიანი წარსულში იყო წარმატებული სპორტსმენი მორაგბე, საქართველოს რაგბის ეროვნული ნაკრების წევრი", - განაცხადა ბიძინა ივანიშვილმა და ამომრჩევლებს "ქართული ოცნების" კანდიდატების მხარდაჭერისკენ მოუწოდა.

 შუალედური არჩევნები 27 აპრილსაა დაგეგმილი, პოლიტიკურ სუბიექტებს და საინიციატივო ჯგუფის წევრებს კი მაჟორიტარობის კანდიდატების წარსადგენად ვადა 28 მარტამდე აქვთ.

 

მსგავსი სიახლეები

სოციალური ქსელი

ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა ბატონო ირაკლი, თქვენ რომელი სახელმწიფოს პარლამენტის თავმჯდომარე ხართ? - ხათუნა ხოფერია კობახიძეს მიმართავს ქართველი ერი ტრაგედიების სიმბოლოდ იქცა... - მამა პეტრე კოლხი

გამოკითხვა

ვალუტა

  • 2.47
  • 3.03
  • 3.43
  • 0.04
  • 0.65
  • 1.45