შეიარაღებულ ძალებში ორიენტირებით სირბილში შეჯიბრი გაიმართა

სამშაბათი, 26 მარტი, 2013 - 12:16

საქართველოს შეიარაღებულ ძალებში ორიენტირებით სირბილში გუნდური პირველობა გაიმართა. შეჯიბრი კოჯორში I ქვეითი ბრიგადის ბაზაზე ჩატარდა. ასპარეზობაში შეიარაღებული ძალების თითოეული ქვედანაყოფიდან, ეროვნული გვარდიის დეპარტამენტიდან და თავდაცვის ეროვნული აკადემიიდან ორ-ორი წარმომადგენელი მონაწილეობდა.

შეჯიბრის დაწყებამდე 34 მონაწილეს სპეციალური ინსტრუქტაჟი ჩაუტარდა. საწყისი წერტილიდან ფინიშამდე, კომპასისა და რუქის საშუალებით, ჯარისკაცებს კოჯრის ტყეში განლაგებული თხუთმეტივე პუნქტი უნდა მოეძებნათ.

მონაწილეები სრულყოფილად შესრულებული დავალების და ასპარეზობის დროის მიხედვით შეაფასეს. გამარჯვებულები სამ საპრიზო კატეგორიაში გამოვლინდნენ. მათ შესაბამისი სიგელები გადაეცათ. პირველი ადგილის მფლობელი III ქვეითი ბრიგადის სადაზვერვო ასეულის კაპრალი გია ხოზრევანიძე გახდა. მან ასევე, მიიღო სპეციალური პრიზი - ყველაზე სწრაფი მორბენალი.

შეჯიბრი ორიენტირებულ სირბილში საქართველოს შეიარაღებულ ძალებში სერჟანტთა მომზადების სკოლის ორგანიზებით პირველად ჩატარდა.

 

მსგავსი სიახლეები

სოციალური ქსელი

არ მომწონს მიშას რევოლუციონერად რომ მოიხსენიებენ - ხათუნა ოჩიაური უბრალოდ, ბოლო მომენტში შეიცვალა რაღაც... - ირაკლი ტაბლიაშვილი სააკაშვილის გათავისუფლებაზე როცა 50-მილიონიანი ქვეყნის დედაქალაქი ზანზარებს შენი ქვეყნის პრეზიდენტის გათავისუფლების მოთხოვნით... - ირინა სარიშვილი ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე

გამოკითხვა

ვალუტა

  • 2.54
  • 3
  • 3.41
  • 0.04
  • 0.66
  • 1.5