ავტორიზაციის საბჭოს გადაწყვეტილებას სტუდენტები აქციაზე დაელოდებიან

ორშაბათი, 25 მარტი, 2013 - 18:22

აგრარული უნივერსიტეტის გადარჩენისათვის საჭიროა, 26 მარტს აგრარულ უნივერსიტეტს დაუბრუნდეს ავტორიზაცია და აკრედიტაცია. დაგვიდექით გვერდში. ნუ მისცემთ მინისტრს კიდევ ერთხელ ჩვენი მოტყუების შესაძლებლობას და აგრარული უნივერსიტეტის ახლა უკვე ირიბი გზით დახურვის შანს,  - აგრარული უნივერსიტეტის სტუდენტები საზოგადოებას  Facebook-ის გვერდიდან მხარდაჭერისთვის მიმართავენ.

აგრარული უნივერსიტეტის სტუდენტები ხვალ 18:00 საათზე განათლებისა და მეცნიერების სამინისტროსთან შეიკრიბებიან და უნივერსიტეტის აკრედიტაციის და ავტორიზაციის საკითხის გადაწყვეტას დაელოდებიან.

"26 მარტს, სამშაბათს, 18:00 საათზე შევიკრიბოთ საქართველოს განათლებისა და მეცნიერების სამინისტროსთან და ერთად დაველოდოთ მინისტრის დაპირების შედეგეს - რა გადაწყვეტილებას გამოიტანს სამინისტრო აგრარულ უნივერსიტეტთან დაკავშირებით - დაგვიბრუნებს თუ არა წართმეულ უფლებებს - ავტორიზაციას და აკრედიტაციებს.

სამინისტრომ 26 უფლება წაართვა საქართველოს აგრარულ უნივერსიტეტს. აქედან ავტორიზაციის მხოლოდ 1 უფლებაა, ხოლო დანარჩენი 25 უფლება - სასწავლო პროგრამების აკრედიტაცია.

საჭიროა, მინისტრმა დანაპირები შეასრულოს და ავტორიზაციასთან ერთად 26 მარტს დაგვიბრუნოს დანარჩენი 25 უფლებაც"- აღნიშნულია განცხადებაში.

 

მსგავსი სიახლეები

სოციალური ქსელი

გამოკითხვა

ვალუტა

  • 2.73
  • 3.22
  • 3.61
  • 0.05
  • 0.7
  • 1.61